我屋企大門同鄰居係痴住同一邊，呢一翼得我同對方2個單位，近日我發現對方喺大門旁牆身安裝咗有錄影功能嘅智能門鈴。
個角度會影到我哋出入，因為我開門見到門鈴無著燈，但一出大門，個門鈴就會著燈。我對個門鈴好反感，因為好似俾人侵犯私隱，但我先生話唔好理，因為怕會面阻阻。
我應該點做？
搬/拆左佢/你又裝
1個讚
諗起以前啲人係門口裝八卦 
我仲上網搵到該款門鈴，有apps可以睇得返每日幾多點鐘有人經過，同有錄影片段，片段仲好清晰添
唉 真心痴線
以家好普遍啦，一有人郁就會通知，你可以放警報聲，可以對話，電子鎖開埋門都仲得
1個讚
周街都係cam,唔介意得咁多。
2個讚
認同，我屋企都有裝，我朋友都有裝。
其實好方便，有人按門鐘就睇到咩人，唔洗行到去大門裝個防盜眼睇。
其實裝呢啲智能門鐘唔會咁得閒去睇記錄，我十世都唔睇一次，除非遇到有懷疑嘅事先會睇
但係我一開門會影到我屋企喎，裝嘅角度好有問題，因為門同門之間太近
我都有裝，因為有日發現有可疑人物喺大門出現
我個cam可set錄影距離，我set到喺我門口先會開動錄影
其實我都唔知有無觸犯私隱，所以我有貼warning
街係公眾地方，同長期俾人影住屋企大門係唔同
係，我住村，沿路出入都越來越多CCTV，雖然都有諗過私隱，不過都覺得正常又邊會咁得閒睇呀，不如轉個想法，都算保障埋自己嗰戶，我諗啲小偷未必敢打你地主意。
你老公俾裝先算啦
佢話如果我真係覺得唔舒服，裝吓都無妨，反正對方有微言嘅話，我哋可以順手同對方傾。對方覺得無問題/無反應，起碼我都唔係單方面俾人監視
多餘，就算係用舊式防盜眼，如果我係屋內裝 ip cam 錄影，你又點睇
如果只係影住自己大門我係覺得無問題，但如果安裝位置係影住我大門，我就覺得被侵犯囉。
我今晚會安裝新門鈴，如果對方覺得唔介意，我都會嘗試去接受，但對方介意嘅話，我可以順手叫佢痴返去大門位置，而唔係牆身。
2個讚
而家連香港都玩埋智能門鐘？！
可以搵鄰居傾下睇下佢有冇屏蔽左你屋企門口，而家呢d應該有呢個功能，不過香港冇肖像權，佢唔做你吹佢唔脹
我諗你裝咗可能會好啲。一來你又睇到佢屋企，二來真係有啲怪人怪事可以CHECK番保障番自己。三來你裝咗之後，你就會知道真係唔會成日去睇記錄。
1個讚
你又影返佢轉頭
根據佢鄰居裝嘅位置，應該無乜用.