奶粉、尿片的開支不菲，有家長選擇購買套票，務求鎖定成本。最近一個以尿片套票作招徠的親子網站，被指減價賣套票吸新客的同時，大碼B尿片卻不斷加價，甚至比市價更高，舊客肉隨砧板上，變相補貼網站吸客，如有投訴即被踢走，投訴無門。苦主們已成立群組要求退款。
該群組名為「BC套票苦主谷」。據網頁的資料顯示，該親子網站成立於2014年，主要業務為售賣親子用品，包括日本尿片。而網站亦有套票出售，客戶可以優惠價格購買套票，用以換取指定品牌及尺碼的尿片，或補貼差價換取其他尿片。
有用戶指出，以前該網站的尿片比市價低，家長們亦樂意先付款買套票，然後逐次取貨。不過近期網站卻不斷加價，要補差價的產品亦愈來愈多，補差價後甚至比市價更高。由於家長們已付款購買套票，硬食加幅，被逼買貴尿片。
亦有家長投訴網站針對大B尿片加價，細B尿片則減價，亦即向舊客戶開刀，同時卻推出迎新優惠，以低價吸新客買套票，變相是由舊客補貼新客。而且加價的形式絕不透明，例如在加價前數天減套票價吸客，然後在套票生效前忽然加價，連新客亦告中招。
為此，有客戶在網站的Facebook留言投訴，結果招徠網站的東主惡言相向，有人甚至被網站清空帳戶，不能再訂尿片。雖然網站已即時退款，但金額卻為低於客戶用剩的套票數目，惹來客戶不滿。甚至有個別媽媽聲稱，曾於深夜及清晨滋擾。
由於不滿的用戶眾多，有人成立了苦主群組，要求網站減價或退款。網站卻出文反唇相譏，甚至推出《慶祝坊間苦主group成立優惠》，再度以低價吸客，實行火上加油，對客戶的不滿則置若罔聞。由於苦主群人數眾多，網站的留言則頗具挑釁性，相信雙方的罵戰還會持續一段日子。
我係用戶但唔係苦主, 但我明啲媽媽點解咁嬲. BC個老細只係覺得佢賣得比出面平, 就算加價班客都唔應該嘈
一開始都有啲媽媽好言相勸俾意見, 但個老細似乎係置若罔聞; 但有啲人喺苦主群出言不遜佢又好快有行動 
其實喺佢度買片真係抵, 希望佢地PR 做好啲快啲settle down 件事啦
5個讚
我都係用戶之一，有時見到老細啲行徑(經常出長文單打) 都覺得佢太over
1個讚
我都係舊客舊長期訂購佢哋嘅片片，9x開始買，好彩地並唔係苦主，因為唔會一次買多過20張，好快就用完有優惠先再買
見到佢地做到咁都好失望
腦細唔太理性係咁同人嘈，話有人搞事，唔排除有人真係搞事
不過佢好似睇唔到其實好多人都係話可以加價但要求公平啲，事實佢真係向舊客開刀
好多人幫襯左佢幾年都係支持同信任佢哋先買咁多，佢加價方式唔公平，加哂係L碼嘅差價，舊客啲bb都大哂就係用緊大碼
佢加差價係加大碼片片
如果幫襯左幾年嘅客通常啲bb都大個喇用大碼片片，大碼都係用得比較耐嘅碼數
除非舊客有再生小朋友啦，s同m碼嘅差價都係減
所以啲人話佢吸新客，對舊客唔公平
而且處理手法好差，越搞越大
幾年前有FD叫我夾套票, 我見佢係幾平, 但係一買好似要百幾張
個B都未出世就買定2年尿片係咩玩法, 如果佢執笠咪大鑊
最後我見係黃店買都唔差得太多就冇夾到。
4個讚
我有見到d苦主cap圖，佢地本身有個whatsapp group混入左Baby-clan嘅人，最活躍果幾個媽媽俾佢地打電話恐嚇，話出律師信
有d人俾佢剷左個戶口(好似話退返款)
我以前有用，平價搶到佢d套票係抵嘅，用佢原價(90，依家唔知有冇加)計就平得果少少，唔值得預購
2個讚
個老細係勁嘅，賣尿片賣到做埋期貨，但就輸打贏要左d
1個讚
我都係用戶，不過由舊年佢有段時間出得好密d套票優惠開始冇買，因為個陣覺得想cap水或者就執，至會不停出優惠
不過我買個陣唔過80，我小朋友用緊嘅大碼片暫時又冇加價，如果唔係睇網上新聞都唔知有li件事發生
4個讚
現在要做就係退錢同用曬所有套票
前者退錢只會用最低價收
後者已有用家係FB回覆落唔到送貨ORDER
其實滿足部分人提貨已好難攪，單係運送都注定GG
苦主群係1600人，每人當20張套票，物流團隊有能力送?
安排唔到D人恐慌上公司取貨，只要人多有MEDIA，焗比
你估到時會有咩畫面 
但睇落都好似分咗兩堆人
今次受即時影響嘅最主要係一部份高價買入套卷嘅舊客，
而某部份新客就覺得我平平哋買套卷，加嗰少少補差價我都受得起，
所以舊客同埋一批有良知嘅新客，就會覺得咁樣經營手法有問題唔公平，爭取老細出嚟面對
但某啲自私新客就覺得你唔好影響到我，萬一你搞到老細cap水著草，我啲平套票點算
感覺好似2019年一樣
呢條友做生意真係好有問題，真係寧願俾貴啲都唔會益佢。
8個讚
有無家長有苦主telegram group.想update 下情況
