多唔多人冇車牌但冇學車，或有車牌但冇揸車?
朋友老公雪藏牌去到冇耐就撞了車，好彩人冇事，之後都冇點揸，佢地已經係英國差不多2年，話都係咁生活，只係平日冇得揸車周圍去玩，所以長term break就去歐洲旅行
我冇車牌但好唔想學車，因為覺得自己真係好唔適合揸車，老公識揸車，想問下已經係英國生活嘅你地，揸車係咪必須呢？
1個讚
我覺得係必須。
簡簡單單學自動波囉，其實都好易上手。唔好成日諗住「我唔想學架！我好唔鐘意揸車！」嘗試開放自己去學呢個新技能。
我初初都唔鐘意架，不過上咗1堂又覺得揸車幾好玩。後來越來越上手，師奶仔學咗30幾個鐘，師傅晌我揸車時都無乜出聲，覺得我ready考試，所以我都準備考試勒。
期待第時自己出車1日。
11個讚
無話係咪必需嘅。揸車點都會方便好多….但唔揸車都會生活到，不過係無咁方便/自由….
3個讚
如果你接受到天寒地凍等半個鐘巴士，冬天買餸行幾個字，放假唔出去shopping mall買野，係生存到嘅，但記住只係生存，唔係生活
7個讚
睇你出入乜野地方咋
有就可以錦上添花
2個讚
我之前同老公都冇車牌，住近市中心，我就行路返工同去超市，我自己生活冇問題，但老公阿女返工返學搭巴士就好痛苦，冬天勁食西北風。之前約朋友出去玩，我地搭火車轉兩程車成兩個鐘先去到，回程好攰仲要搭咁耐車真係好辛苦，朋友揸車一個鐘就到，所以考到車牌係我呢段時間最大嘅願望。
如果唔洗接送仔女，安於住市中心，咁唔揸車係有唔方便，但一定生活到。開頭學車都唔係好enjoy, 但揸揸吓都ok. 呢度d人都好禮讓下。
3個讚
冇，返工買嘢都冇用車
公司冇停車場
有tram
買嘢行10分鐘內
到埗未？
如果唔想學車，就唔好揀啲太交通不便嘅地方囉
一定有人同你講必須架
2個讚
我有車牌但唔識揸
嚟咗半年都係搭巴士
我係香港都fail, 開頭學有啲野唔明靠死記，但揸揸吓開始知道自己做緊乜，係要學耐d咁解
唔搵教車師傅補鐘？
搵本地師傅學啦，如果佢哋覺得你未準備好，係唔會畀/建議你考㗎。
如果英國考到車牌，揸車應該無問題㗎。
1個讚
無論係準備學/學緊/新牌/雪藏牌，都建議睇吓呢個channel:
4個讚
我都有睇佢，另外clearview driving都ok
住倫敦可以吾駛揸車
香港人係咁架啦
識人明明行出路口有tram有巴士出市中心，佢都話好少出去，因為未有車，所以係咁叫我地買車
ps: 市中心泊車同落車都唔易
要視乎你住嘅地方，我一直都唔鍾意住近巿中心，所以我揸車會方便好多，我習慣咗一出門口就上車，揸去嘅地方通常都有free parking，反而返工近巿中心，要比錢泊車，雖然我附近有間大型超市，除咗夏天，我係唔會行路去買嘢，因為我習慣一買買好多嘢，有車可以唔駛顧慮，想買幾多就幾多
2個讚
識揸會方便好多，但無車只要住得唔遠，都唔係大問題。
買嘢可以上網買同送貨，當然鐘意自己行街另計 
如果有錢有時間，個人覺得必學，返工或者接送小朋友都方便好多。
識揸車無咁易病 冬天同仔女行一個鐘先返到學校結果個個凍病晒
不過我都係未學車 因為想買咗樓先 同埋又春天 慢慢行番學係好靚
同埋無車搵工嘅話比較難
如果我住巿中心都唔會學車、以我所知得幾個地方有tram、睇自己既生活圈吧、有車就做咩多左選擇