如題，啲人話成日企唔係咁好，但我冇逼佢要企，而係佢自己成日扶住圍欄企起身，又會扶住行，坐一陣就會炆，成日想企
想問下應該比佢企定阻止佢？
由佢自由發展，佢企唔到自然會坐低
4個讚
點解要阻止？佢企到即係肌肉開始夠力支撐。而且早唔係壞事，反而係幫助小朋友鍛鍊肌肉，唔會好似坊間傳會 “拗彎” 腳。
只要有嘢畀佢扶同休息就得，鼓勵多行路。
1個讚
係咩人話企得多唔好 原因又係咩
好似話怕未識用力，企壞腰骨？
（聽過下老人家講）
過來人經驗話你知，其實係阻止唔到嘅。
我小朋友都係好早就識行（七個幾月），佢五個幾月就會扶床企，當時好多人都會同我講，唔好俾佢咁早行、企，又話會傷腰骨、又話太早行係辛苦命乜乜物物，又會有啲人會以為我係虎媽，一定係我日操夜操佢先會咁，唔正常、無可能咁早行。
現實係我無特別做啲乜，只係順其自然，佢想做我就由佢（其實佢如果能力未到，根本就迫佢都做唔到），時間到佢就自然做到，無得拖延、無得迫。
我小朋友現在已經係個小學生，我唔覺得佢骨頭差咗，佢係比同齡朋友身手敏捷，運動方面亦都唔錯，我諗依啲係天生嘅，每個人嘅進程唔同，喺佢身邊做足保護就ok。
1個讚
我個仔又係6個半月識企，7個幾月就開始長時間企，一企就1～2個鐘。而加2歲幾乜事都無
我囡都係6個半個開始未識坐穩已經要企，我由得佢