女女16個月大，自從佢10個月大就會間中夜醒。開頭以為係出牙/睡眠倒退，但已經半年仲係咁。已經有哂規律嘅作息時間表，睡眠儀式，跟佢嘅清醒時間去俾佢瞓，佢識自行入睡，但都仲係會夜醒，我真係唔知仲有邊度做得唔啱 
佢夜晚一醒就要搞好耐先瞓得著
而家搞到我好大壓力，夜晚成日好似幻聽咁聽到佢喊。同佢去街又好驚影響佢nap，夜晚會瞓得仲差，所以出親街都好大壓力，成日要趕返屋企nap。有時有啲活動時間撞正我女女瞓覺時間，我都會唔去，驚女女無得瞓nap 。老公又唔明點解我要咁緊張 真係好大壓力
佢可能需要多 d 安全感
1個讚
有些小朋友係特別高敏難湊
都係只有硬食
夜醒問題我仔由出世到七歲都係咁，而家就快八歲都不定時會，醒左一定要坐係隔離等佢瞓，一行開又醒。真係攰到頂唔順父母是但一個同佢瞓先搞得掂
試下日頭有機會帶去曬多些太陽同玩攰些睇下有無幫助。
心情都好影響，我仔就個日玩得夠開心滿足會瞓得好些。你囡仲細，到三四歲又成日思考生死搞到成日發惡夢，真係做人呀媽後唔洗旨意有覺好瞓
我都有懷疑過 
之前我同老公去左一晚staycation，已經有一排無夜醒嘅女女又醒返，當星期六日我同老公一齊放假，佢又無醒wo 我就諗係咪佢見唔到爸爸媽媽，無安全感 或者平時放工返屋企唔多時間陪佢，佢想我地陪佢多啲，所以夜醒 
我女女其他方面都易搞，就係夜醒搞到我好煩惱。成日驚佢瞓得唔好，影響健康發育 見到我啲朋友仔女同我女女差唔多大，日日無規律瞓覺，又夜瞓，都無夜醒瞓得好好，就更加煩惱。
我地已經日日帶佢去公園玩放電，日頭nap都瞓得好好，但就係夜晚都仲會醒
Bb自己都有自身嘅需求/習慣/性格加上未發育完成
未必係媽媽做得唔好，唔好攬晒上身
父母呢個時間好好陪伴佢度過呢啲階段就會好
媽媽一定會對b月比較著緊，對佢哋嘅聲音好有反應同感覺，呢個係母性
你咁緊張係愛嘅表現
個個bb係獨特嘅，唔駛理其他小朋友係點嘅
你話佢好多方面都好易搞
係半夜醒比較困擾，咁呢個就係你要陪佢捱過嘅功課黎喇，人人要面對嘅都唔一樣
小朋友越大，隨著你俾佢嘅愛同陪伴一直累積，佢會越來越穩定，同時困難都會越來越複雜
你抱住正面嘅心態，對佢要有信心，可能就會冇咁焦慮
祝福你同bb
時間過得好快，佢而家係訓覺遇上困難，慢慢一定會好
你半夜成日醒，精神唔夠都會比較易緊張，注意休息啊
4個讚
我大肚既時候用既月亮枕我一直有保留，有時我囡瞓得差，我會俾佢攬住，佢好快就會瞓返。我懷疑真係有我既味(雖然洗過n 次)
其實好正常，我女已經5歲但仍然有半夜扎醒，咪攬住俾返安全感佢囉
1個讚
我仔17個月大同你情況一樣。記得佢1歲前會半夜喊，1歲後夜晚訓得好以為之後會正常返。早幾個月前開始又好似以前咁喊醒，唔知關唔關出牙仔事所以牙痕，不過只要佢一喊我們就會抱他訓在我們身邊佢就會好安定又唔再喊。小朋友都係鍾意貼住父母搵安全感，雖然令夜晚訓得唔好，但換角度諗佢識得喊代表佢係正常人，有事都識向父母表達，別擔心。
認同，慢慢涯過就好
放心，時間係會不經不覺流逝，好快呢D冇得瞓既日子只會變回憶
其實樓主真係唔駛太緊張，唔需要就佢瞓就唔出街之類
有D BB/小朋友就係咁，佢既睡覺模式係咁做咩都唔太有效
咁當然有適量運動/曬吓太陽係對身體好，試咗唔幫助睡眠都冇壞
1個讚
硬食舉手
bb係出街就瞓唔到嘅類型？
個個小朋友都唔同,我大仔1歲就可以瞓過夜
我囡囡要4歲先可以瞓過夜
啲人話生一個老十年,係真架
我都覺得係
最好佢去到邊訓到邊
如果肯坐車，有段時間bb車走天涯，屋企唔肯訓，一出街就暈左，推車就麻煩啲，不過好過自己抱到傻
少少離題
細個有固定時間表係好岩
佢容易適應呢信世界同令佢更有安全感
訓夠玩夠，咩都做齊
其實你做得好好喇，繼續堅持就ok
出街平常心，俾佢見下人係好好嘅訓練，一日半日唔會十分影響佢時間表
你見到佢同人人都玩到個時會好替佢開心
其實我小朋友細個時我同你一樣好緊張作息時間表
男人唔明正常架
唔駛理佢
有段時間直頭誇張過灰姑娘，要佢勁爆早訓，午睡去街會訓係bb車，大時大節都係食午餐謝絕去夜街
另一個細嘅就唔肯坐車，出街我就孭住俾佢訓
慢慢學識放鬆，晚餐後去公園玩一陣(不過我好早食)，中秋去賞月，聖誕睇燈飾，佢哋而家都一樣固定作息，不過二寶都係會晚晚半夜起身搵我，我都諗總有一日佢會好
Bb唔同階段有唔同野，真係有排擔心
最重要係自己心態，慢慢教佢同陪佢
遲下就會好
真係個個小朋友都唔同，有 d 3 歲已經可以自己一間房，有 d 7 歲都仲要同爸爸媽媽一張床
講到尾都係佢哋接收到幾多安全感，同埋父、母俾到幾多安全感佢哋
我覺得有d小朋友瞓覺係咁，我個仔4歲都係咁，午睡又喊，夜晚又喊，如果瞓前按摩呀，比咗七星茶會好少少。試過有排唔夠鈣又係咁，不過會出哂冷汗，佢放假瞓得好，返學就不停彈醒，我有懷疑過係太多新嘢，佢個腦仲run緊。
我大女細個就係咁，佢的瞓覺史等於一殼眼淚
屋企大喊大叫又抱又氹足一個鐘，午睡瞓半個鐘
出街上巴士，揹上hip seat「鄧」兩野無咩細藝就死死氣瞓（我住新界，去邊到1個鐘車程）
結果我谷鬼氣，一個星期帶佢出3日街
反正出街同留喺屋企都瞓得差架啦
倒不如出街大家都輕鬆，又有得玩
1個讚
真呀！我都唔太鍾意同佢地日日困係屋企
越大就越困獸鬥
有段時間日日聽住佢尖叫喊玻璃心，大家都崩潰
寧願帶佢地出去行吓，係超級攰，但大家都真係開心啲，我心情都開朗啲
之前驚疫情就去空曠啲嘅地方
我大寶兩歲左右就唔肯午睡，真係點氹都唔肯，出街最好嘅係佢通常都會訓一陣
1個讚
唔一定係媽媽做錯咩，唔好諗太多。呢啲生理周期會隨時間改變