頭3集有啲 cult，但之後嘅集數嚟料，好多暗喻，好笑得嚟又好悲。
去到尾二集，我完全唔相信寫得咁白啲作品，竟然可以出到街… Mike導竟然用viutv 作品罵魯生。當然你話佢講其他嘢都中。
2個讚
最後一集睇到心up
2個讚
點解有朋友話吾好睇
哩種係dystopian形式作品，唔係人人接受到，美劇、電影就見過，但響香港拍成電視劇係咪第一次？麥可暉真係寫得好好
星期六日一次過睇曬，8集啱啱好，無因為太短而夾硬拉到10集。
直接控訴現今公司程序嘅荒謬，特別係Raymond跑去搵IT果段。
正字特警做seven嘅冷酷好正，柳俊江做政策部果種廢UP，
最鍾意用風景植物做間場。
1個讚
呢啲劇一定唔會在大台見到。真係要多謝viutv 比咁大自由度佢地拍套咁既劇，好荒謬好好睇！sad 得來又搞笑！
但好多人唔識欣賞，話無聊，始終吾係大衆化師奶劇，又冇偶像靚仔。
2個讚
一路睇冇諗太多, 火火臨尾果度一句點到即止。估唔到阿暉寫劇都咁好睇。我平時麻麻地angela, 我諗劇本同導演幫左我好多。超中意Dee 姐, 少睇電視, 估唔到佢係超好戲。同埋Raymond個角色有啲唔抵係同大誠實家撞哂咁。如果唔係咁近播會好好多。
我反而唔太中意啲間場, 感覺有好多同氣氛唔太關事, 係小強同貓啲shot比較有feel。
同埋我睇完即刻睇埋今世做電視, 都成45分鐘咁多, 好正。
2個讚
有d似但性格上有唔同。
Raymond係無表情又下下講程序。
chloe死後同j係現場講返成件事嘅過程，推進得好好，最後講自己死咗果下無奈。
淨係演員一半都係後生仔，宜樣大台唔會有啦。
未睇，不過因為Mike 導，一定會煲返哂。
佢之前拍綜藝太正，餓咗好耐佢嘅作品，全部都有意義。
1個讚
雖然我都鍾意靚仔偶像，但我都好鍾意諷刺荒謬劇。如果noise側曬去靚仔偶像，viutv資源就會去曬一邊，我哋就少好多好劇睇。
所以我都出返個po, 俾返credit套劇。
6個讚
我覺得佢做戲真係勁做戲feel, 套戲一到佢就覺得唔好睇
講完之後連射幾槍，痛快
可惜現實唔會出現
2個讚
▍ 當「爭取」成為禁語
《殺手廢J》為MakerVille製作的黑色幽默喜劇，本月6日起於ViuTV 99台播出，並於台灣「LiTV線上影視」同步上架。劇集上周三（15日）大結局，其中主角J（陳湛文飾）面對公司的官僚架構及種種不公，不惜持槍與公司經理（火火飾）講數一幕，令觀眾印象深刻。
根據香港播出版本，經理對J說：「其實你兩手空空咁行入嚟同我傾，你要嘅嘢，我都會畀你……」語畢，J將經理射殺，並說：「我試過啦！結果呢？你有理我咩？冇呀！我喺呢間公司試咗好耐啦！」
然而，記者發現台灣串流版本卻不一樣，J的對白為：「我試過啦！兜口兜面同你爭取又試過，同成班大大爭取又試過，結果呢？你有理我咩？冇呀！我喺呢間公司試咗好耐啦！」《殺》武術指導梁博恩周六（18日）在Instagram發布幕後花絮，當時J唸的對白亦與台灣串流版一致。兩句涉及「爭取」字眼的對白，相信為劇本的「原裝台詞」。
2個讚
如果係真的話，一齣原本控訴制度嘅劇，但就被制度局限咗，真係相當幾諷刺
1個讚
編劇喺IG story問過，點解「爭取」都唔俾講。
喺香港，控訴制度嘅劇一定會被局限，只係限到邊度嘅問題。呢條灰路，中國藝術界行咗好耐，香港啱啱先開始。
1個讚
幾好吖, 證明間公司真係CLS公司 
我而家真係信係楷仔唔俾播Warrior 啦
3個讚
該主題在最後一個回覆創建後180天后自動關閉。不再允許新的回覆。