男友咁樣其實係乜意思⋯⋯係咪好唔滿意我

我有個拍拖幾嘅男友,我哋有正常性生活,相處都ok , 基本上無鬧交。 但由前排開始,佢成日有意無意就話我蠢,話我懶,話我肥,話我成日食垃圾食物。我有表示過唔鐘意佢咁講我,但佢唔理照講。

話我蠢,只不過係有陣時我唔鐘意計數,買貴左嘢,但有好多佢申請嘢嘅申請表都係我填,電腦電話嘢佢唔識又係我幫佢解決,教佢用;文件嗰啲又係我幫佢睇;

話我懶,但其實我係有想幫手,但次次我幫手佢就話唔使,佢自己搞,叫我唔好搞亂檔;

話我肥,其實我只係坐得多有少少肚腩同大脾少少粗,買衫買褲都係買xs 或者s 碼;

另外,其實我係成日食零食,但我覺得食零食會令到自己開心,又唔係啲乜嘢壞事,點解又要話我。

平時佢做乜我都唔會咁話佢啦,有時真係覺得咁樣相處好無意思,定係係我小題大做,個人小氣?

你話返佢,襯你

4個讚

你男朋友成日話你蠢、懶、肥,攻擊你好明顯,佢唔尊重你嘅感受。你應該同佢溝通,表達你嘅感受。如果佢唔改變,你可以考慮離開。記住,每個人都有權被尊重,包括你。

15個讚

我無串返佢轉頭,不過有同佢講過叫佢唔會再咁話我,但佢照講 :pensive:

我阿媽,及某些朋友,就係因為成日被另一半嫌呢樣個樣,做少少都俾人話,結果搞到無晒自信,生活亦唔開心。

我比較決絕,如果我或我女係你,我會叫你直接同佢分手。一句講晒,佢已唔愛你,你要好好愛自己。唔通遲啲嫌你唔夠靚胸唔夠大,你就走去整容隆胸咩?呢啲嫌棄只是更多及無止境

21個讚

我有同佢表達過我感受,佢照係咁,所以我其實有諗過不如算啦,分開啦,無謂令自己唔開心啦。但另一方面,又覺得會唔會因為咁分開,好似小題大做,好小氣咁

我就係唔明,拍咗幾年拖,之前相安無事,做乜係近呢半年成日都咁話我,成日嘅意思係,一個星期講四、五次

男友咁樣其實係乜意思

想鬆人囉

24個讚

搵個個啦,你值得找個珍惜你嘅人過日子。
如果不停被人嫌,我寧願單身都唔會同個啲男人一齊。我媽就係人板,寫隻字都被我爸嫌唔靚,然後又燒埋其他野黎話我媽,家無寧日。

8個讚

但佢其他行為又唔似喎,大家都好了解對方性格,佢想鬆人直接講就可以,佢知我性格唔係死纏爛打嘅人,分手:broken_heart:可以分得好灑脫

尊重都無. 分手啦.
港大個教授就係忍咗幾廿年最後整死個老婆

4個讚

我都好明白嗰種感受,唔想下半世都咁過,反正我經濟獨立,搵錢比佢多,自己都養得起自己,只不過係奇怪點解佢會無啦啦咁樣,其實想分手可以直接講,唔使咁樣成日話我

食之無味 棄之可惜掛。而且如果你肯就晒佢聽晒佢話,咁佢咪可以話晒事囉。
有個就晒佢嘅人,咪拖住先啦。搵個個未必輪到佢話事架嘛。呢類人有啲良知嘅話,會對外讚另一半肯「包容」嘅,但另一半忍得幾痛苦佢地又明幾多呢!?

2個讚

我同另一半講我唔鐘意佢咁話我,佢仲要話我小氣,所以先令到我諗究竟真係我小氣定係我唔適合佢,分開其實大家更快樂

佢咩都會話你架啦,咩都你自找嘅,講到你麻麻煩煩,一無是處,令你無晒自信

你一諗,已輸一半,再反省,然後覺得佢有道理之後就返佢,咁就一世啦。個遊戲玩法就係咁,趁早回頭是岸

7個讚

著XS或S都叫肥…
我唔知講咩好

3個讚

識左個女仔先會開始嫌棄。

XS / S 都話肥擺明係人地瘦d,先咁話你。

唔好嘥時間,女仔青春有限。

3個讚

小氣有咩問題?
反正都諗分手,下次佢一講你咪發哂脾氣鬧爆佢,講一次爆佢一次,包佢唔敢再講。
大不了咪分手,趁後生搵過個好嘅。

7個讚

其實我唔明關小氣咩事。試下佢成日俾人人身攻擊,佢又能否做到笑笑口呀?呢啲情況唔發惡已好有修養啦!

6個讚

都係,我有分開嘅諗頭都唔係呢一兩日嘅事,分開好過自己成日為咗呢啲嘢唔開心,自從佢成日咁話我之後,我真係有啲心淡,有時搞到同佢有性生活都想,無晒mood

2個讚