屋企人相處唔到 加上一直都好想試下獨居 打算租村屋住下
大家知唔知新界除左元朗 係咪冇咩平租盤選擇呀 上網睇好似只有元朗比較平 同埋馬田村算近西鐵站？地下我唔會揀啦 只會選二樓或三樓天台都可以
歡迎大家討論下住邊條村會好住d 當然知道租金會反映一切
馬田村如果你無車，講真交通好唔方便
1個讚
個地產仲話行15-20分鐘出到西鐵站
好彩我上黎問啫
馬田村d鄉氏佬好惡，建議唔好住嗰度，住番元朗平價私樓差唔多價錢
6個讚
咁知唔知仲有邊度村屋好啊 因為一黎想租返近朋友果邊 同埋可以養到毛孩
如果住平村屋不如租啲舊樓
村屋頂果層夏天好熱、日頭曬完晚上都未必散到熱
打風落兩又可能會勁嘈（平租果啲）
4個讚
如果有得揀，我揀塘坊村，順豐圍都好過馬田
1個讚
元朗有好多屋苑可以養狗，唔一定村屋，我住過村屋好多漏水同其他問題，d鄉氏業主又煩
3個讚
熱我都聽過 咁二樓應該會比較好？
單身女仕唔建議住村屋 
7個讚
謝謝你意見 我都有睇緊個盤係塘坊村 交通點呀？
如果你住開新界西，應該會知咩係輕鐵
果度近輕鐵站，搭兩個站就去到西鐵天水圍站
我都有諗呢個問題 朋友都叫我住樓仲好 佢自己住村屋都話我住開樓先咁恨住村屋 我係好鍾意開揚 大自然咁 最好附近有空地租位養車 以前住市區賣左車了
我住市區 冇住過新界呀
如果你了解過元朗d村屋惡霸業主係幾咁麻煩，同村屋幾舊，就會租番私樓
5個讚
謝謝你意見 明白係擔心安全問題
有女仔朋友村屋大，都會俾同村惡霸蝦架!
同埋新界大西北嘅村真係好多有背景人仕住
你想有車位係要村地頭嘅人認可架
元朗好多寵物友善嘅apartment，租金都唔貴，你睇下先
2個讚
住村屋最好唔怕蛇蟲鼠蟻，你未見過嘅生物都有可能出現
仲要size比市區大隻
全屋落蚊網會好少少
1個讚
見到有d係好舊 除非屋苑式就靚好多 但唔平
唔要免費車位都要佢地認可先租得嗎？我係驚昆蟲架
我比較過其他唐樓租金都接受到 睇黎大家意見都係偏向租樓好d