伯明翰邊度有一起耍太極的群組

來英近半年, 仲未聽聞邊度有太極友會喺假日或閒日聚集一起耍太極? 如果有朋友知道可否知會一聲?

上 google map 打 tai chi,一定會搵到太極班。
太極係英國好受歡迎的。

2個讚

我唔喺想搵太極班, 只係想睇下有冇同道中人, 大家聚埋一起玩下, 即係大家都係已經識玩太極嘅人, 因為自己玩真係幾悶.

原來係咁,其實想搵到住附近既同好,最容易既方法真係加入本地既體育會。

不過就國術考量的話,的確有麻煩的地方。
非同門同宗,架式手法各有不同,新手還好,練入骨髓根本改唔到。
唯有睇下有無緣份遇到同樣無屬會既新朋友。

耍太極一般都有d年紀, E邊地方亦較大, 吾係個個可以出入方便, 加上再分陳楊吳式, 真係要搵都有d難度

1個讚

我想打,但不是伯明翰,我打楊家84式

欣賞樓主積極融入新生活,仲要記得你話你年紀有返咁上下,如果香港多你呢啲人少啲廢老就好

2個讚

你都講得啱, 好似我本身都學過吳式方/圓拳, 也學過陳式拳/劍, 最後隨住年紀越大放棄咗陳式, 逐漸亦放棄咗劍和扇, 雖然吳式比較適合長者耍, 但我都喺喜歡楊式多啲, 其實學得再多都未必好, 只需揀一套喜歡嘅練, 耍好一套就夠了, 其它識嘅都喺和同道人一起玩時耍下就算了.

明呀! 我識人要陳式,扇拳劍大刀都得, 但佢係倫敦.

我主要打楊式88式, 另外間中打下吳式45式同孫式73式, 仲有八段錦和五禽戲, 現在年紀大咗, 加上關節退化嚴重, 都只能盡能力做得幾多得幾多. 來到英國面對怡人景色, 更加想堅持落去. 希望同道中人都能繼續堅持.

1個讚

我嘅區有個香港人耆英谷,佢哋就會約飲茶晨運。

我知道Bristol Manchester 等有香港人教會和社區組織,會搞活動俾老人家,應該就可以識到當地打太極嘅人

唔知伯明翰有冇?

你喺伯明翰香港街坊谷問下,容易過呢度問。呢度嘅英國香港人太分散。

我剩係知好鄰舍教會有伯明翰分堂,你去聚會點一定可以見到好多黃嘅香港人。

多謝你嘅提點. 我會去問下.

多謝你嘅鼓勵, 我依家早上睇天氣耍下太極, 上下網, 下午都會常去休閒中心游水, 總之會想辦法充實生活, 才不枉千里迢迢投奔自由享受餘生.

5個讚

太好了,我要向你學習

1個讚

我想八一八:樓主你點樣keep 到咁正面嘅思維?天生?受過咩啟發?

我都想學:+1:

個人心得係從年輕時就要培養可以一個人自娛嘅嗜好, 如閱讀、聽音樂、游泳、壁球、看電影等, 呢啲活動都無需要人陪伴, 自己就可以作排遣寂寞之用, 其它會同朋友消遣嘅如飲茶傾計(主要為吹水, 點心次要, 所費唔多), 乒乓球、社交舞、耍太極等等. 可能天生性格比較開朗, 偶有感到鬱悶時, 都會講出來, 告訴家人自己情緒有點低落, 獲得家人鼓勵開解, 再去參加群體活動, 過咗古稀之年真喺咩都經過, 其間坐過輪椅, 做過大手術, 一直告誡自己要保持健康, 一啲好嘅心得同好嘢都會同朋友分享, 對朋友都係有求必應(金錢除外), 能力內做啲義工, 都係嗰句, 想辦法令自己生活過得充實, 呢啲就係我嘅心得. 希望可以解答到你嘅問題. 祝你生活愉快!

3個讚

你呢啲係好有質素嘅人生,自娛我冇乜問題,我都好怕應酬,好怕好多人

不過要成日keep 到正面就難少少,我會努力:grin:

師兄你好住喺伯明翰 有興趣一齊耍呀 :yin_yang: :yin_yang:

1個讚