同住家人中度弱智，出世時係無事，但高燒後腦積水之類搞到變左弱智。
好衰咁講，“無論點都要救返我個仔”，其實為左多人帶黎不幸?其實都包括佢自己。
個仔除左有條命仲有乜野?
父母百年之後都係兄弟姊妹要接手，兄弟姊妹都會結婚，結果個仔都係淪落宿舍俾陌生人照顧。
整個成長過程一家人都被歧視，個仔o係d弱智中心度都有時被打被虐，家長都無聲可出，次次都係話查無實證，下次返學又傷過。
有時我會諗決定要留既都係懲罰緊個仔，亦都係家人既孽。
1個讚
事主無做T21
T21暫時係最準, 因為唔係靠醫生對眼, 只有1%誤差, 而個誤差係假陽性。
即係如果T21 講佢係陰性, 就係陰性 ; 結果陽性, 就未必係陽。
相反, 照超聲波準確度較低, 而且係假陰, 醫生睇倒陽性就高機率, 陰性就唔未必真係陰了。
所以T21係更重要的…
其實T21只係個牌子名, 佢係驗染色體齊唔齊23對, 驗個數量, 其他染色體問題都驗倒。
但微缺失係指"某條"染色體出咗問題。依個就驗唔倒了。
2個讚
其實佢有咩原因…
有啲人真係唔會接受人地咁講
甚至之後確診真係有事、仲話：「你開心啦、比你咒中咗啦。」
所以唔係去到虐兒、人地小朋友我自己係唔會再出聲。
6個讚
佢覺得佢個仔冇問題。
1個讚
朋友-1
會咁樣講都唔洗繼續做朋友
所以後尾冇人講。
我有朋友明明都有d懷疑自己小朋友有自閉，都係不作為。又話政府排好耐，又話私家一堂好貴。
不過呢d提過一次就算，講得多又會俾人嫌多事。
3個讚
最老土嘅講法、係話點解要label 咗個小朋友……
解釋治療黃金期嘅重要、都係話、小朋友唔可比人label
T21 只驗第21對染色體，呢對染色體異常代表唐氏，其實其他染色體有缺失都代表有不同既病。例如T4，第4對染色體異常代表亨頓氏舞蹈症。T18 係第18對，愛德華氏症…. 你誤會左我意思。我意思係一般人唔會驗哂23對，香港亦唔知有冇呢個技術。
老老實實係真係好難接受自己小朋友有呢啲長期病的
佢唔接受有病呢個label，因為佢心入面只係接受「正常小朋友」呢個label
touchwood如果身體器官上有毛病，呢啲好難呃自己話無事。但自閉呢啲有少少踩界，又未至於好影響日常生活，都會呃下自己。嗰一刻唔面對=問題唔存在
社會可以做嘅嘢就係多了解自閉spectrum，其實自閉唔一定好恐怖，最緊要係可以改變，好多輕微自閉可以融入正常學校（同時可惜相反好多中度自閉嘅因為錯過治療而變成嚴重自閉）
3個讚
Nifty pro都係驗哂23對，驗埋咩微缺失
1個讚
我照結構嗰陣 阿B隻手仔遮住個咀
點都唔肯攞開
醫生話睇唔到佢有無兔唇
結果隔多個星期再返去照過
如果照咗結構都唔知有兔唇
個醫生要開名唱佢
係啦
我都試過要再去多次
通常睇唔清楚私家會叫你去多次但唔收多次錢
2個讚
T21/Nifty 都係驗哂23對染色體有無齊數
無錯同樣驗倒微缺失, 但係兩者驗微缺失嘅準確度非常低, 所以唔一定要驗, 反而有機會赫自己一餐。
利申: 做婦產專科相關
3個讚
對唔住大家, 我頭先望多望。
原來敏安兒T21 express將驗染色體數目拆開兩個package 
個技術本來係可以驗哂, 但平plan就可以驗都唔話你知結果…囉…
2個讚
點解責任一定係父母?! 呢啲都係機率問題, 就算父母dna 出事, 都唔代表一定生出有問題既小朋友, 係機率問題!!
我諗佢個意思係
小朋友有咩事，個責任係O係父母身上。
就算有錢賠有支援，結果都係由父母肩負照顧責任。
1個讚