由細到大都有一個恐懼，就係揸車上公路，有冇人可以幫到我？
比如。。。。驚咩？
我都驚揸公路 
我要睇google map 或家人揸個條路線好幾次，記熟行邊條lane、邊度打燈cut 線、點樣進出迴旋處… 但係揸得快會有啲驚，覺得自己揸唔實架車，但揸得慢又驚阻住人。
好驚上公路啲車咁快，我唔識幾時係好時機採油cut 入公路。
其實喺香港補過好多次鐘，但仍然消除唔到心理障礙。好驚冇命
如果你係女司機，建議你遠離駕駛坐
可以點幫？
要補鐘幾多個鐘先可以冇咁驚？
外國生活好難唔揸車喎大佬
同男女無關呀
5個讚
我喺香港時都好驚 條路由細坐到大 揸之前仲google map行咗幾次先開車 到最後都係唔覺意過埋海（本身冇呢個打算…）
我諗第時揸返車會有個心態係
- 唔熟路就跟返標誌揸離公路/可以停車嘅地方
- 人哋追尾由得佢 （俾人呠就要留意自己有冇問題 可能人哋善意題醒）
- 要預先入夠油
- 習慣睇GPS
記住唔好亂cut線 公路唔好停車
馬路有突發事就打定死火燈提醒其他人
2個讚
唔關性別事
都有好多戇x ma luck lo係司機
早幾日先俾個逆線行車嘅男司機呠我
3個讚
有人在旁會唔會好啲
唔好講到女人唔好揸車。
如果咁，咁多出事撞死人都係男司機，係咪男司機都要遠離駕駛坐，唔好累人累己？
4個讚
有時間睇下呢個 channel，佢講得幾好。
再唔係搵當地師傅補鐘。
1個讚
你嗰架係細車？細車行得快係會飄啲….
慢咪慢囉，至緊要安全，揸得多自然會快返啲….
如果在motorway，行慢線就唔會太阻到人，啲車識爬你頭….
1個讚
其實最緊要夠快？要match到公路慢線嘅車嘅車速….
呢個無人答到你喎…咪補到你唔再驚囉…
我自己無揸20幾年，在香港補咗一次鐘個師傅已經話唔使再補…
1個讚
我唔知你係邊個國家，我係加拿大，下面係我自己少少經驗。
當你入左highway入口，前面應該有一百至二百米先收線，呢段路（acceleration link)就係比你加速既，你可以由50/60開始加，加到幾多呢，就係同隔離慢線車差唔多速度。咁點知差唔多速度呢？你會發現你同慢線前車後車既距離係二三秒之內無拉近或遠太多，咁你就可以預備cut入去，入去之前先睇鏡，blind spot, 打燈，準備入去時再睇多次blind spot and mirror.
你入左線之後就要就住情況加速，加拿大呢邊有過半數人知你想入線，都唔會踩油，或太近你會轉去快線，咁你入左之後就要加速，唔係後面架車就會同你好近，但你唔好一下加太多，要同前車保持2秒距離。有次我讓左比架車入，諗住佢入左會架速啦，佢竟然繼續開60！ 本身佢入線已經太低速，under speed 左30km/h,以為佢唔識入，點知佢一路都係開住60，呢啲太過份，我差啲撞左落去！因為我慢左比佢，我都仲係開緊80，如果我跟佢咁慢，我後要架車會撞上來，果次勁危險！
當然有啲衰人會唔讓你，咁你係條acceleration link時就唔好踩太多油，等佢過左你，你先入。
當塞車時，你就當平時city road 咁既方法入。
其實，如果你識係city 路上切線，入highway,道理都係一樣，只係速度快啲，個概念都係你同隔離啲車既速度要大致一樣。
希望你明白我寫咩幫到你。
4個讚
搵個有經驗司機/師傅，喺少車嘅公路，係非繁忙時間練下
如果覺得架車比較飄， 可以放d重野係車
我架係station wagon 應該唔會飄啩…
多謝大家嘅意見。希望可以平安渡過
有冇坐過 過上車？