話說有親戚遲啲移民去英國，
尋晚食開年飯，佢話佢會同佢朋友（詳情冇問，大約會同另外幾個朋友，大家都係已退休）一齊過去同一個地方一齊生活，
諗住打算夾錢搵間有幾個睡房嘅house一齊住，生活費用就除翻開。
（我覺得除非好熟，如果唔係遲啲有問題就好麻煩。）
1個讚
係買定租?如果一嚟就買，到時住落有問題都幾麻煩下。通常都係爭廁所呀，唔清潔，同煮飯分配呢d。買餸水電媒用多用少又有嘢煩
1個讚
唔會，同屋企人都要考慮下
3個讚
非親屬關係係唔可以租一間屋一齊住喎，除非係hmo，買就你中意點都得，但律師實會問點解2個冇關係嘅人會joint name，答到先有得買
2個讚
退休人士有人生經驗架喇喎
都咁睇唔開
6個讚
相見好同住難， 分分鐘朋友都冇得做
3個讚
諗住住share house吓嘛
2個讚
唔會啦，屋企人都未必頂得住，最好住附近或者同屋苑，鍾意就見，返屋企有返自己嘅空間
2個讚
九成九五出事…
仲退休人士, 有D 自己幾十年壞習慣, 真係自己都唔會知
3個讚
極是…父母兄弟姐妹硬食冇得好講
1個讚
三十二家房客分租？
大家當分租又無乜所謂，分租其實好平常，不過反而唔熟仲好啲，清清楚楚，但太熟好易反面
4個讚
如果係好熟, 成日一齊玩又成日一齊去旅行, 咁樣可能會好啲,
否則的話住落一定好多問題出現. 而且仲話要幾個即係幾家人,
好多人老左越黎越萌塞, 去旅行幾日大家都可以忍, 一齊住一年
三百六十五日都係一齊就會有麻煩, 如果有一間屋係全部都係
有套房唔使同人爭廁所應該會好啲…
3個讚
大學生都會幾個人夾錢租屋住，退休人士唔係唔得，不過要好夾先可行。
2個讚
冇錢都要啦，有錢有邊個會揀咁做？
2個讚
可能大家都係諗住初期有照應，settle down之後有需要咪再作打算
2個讚
外國讀書概留學生就係咁，唔需要想太多，
租約通常都係兩年，
如果不合，兩年後可以再搬。
搵另一間屋。
3個讚
都係個句：相見好同住難
同朋友不涉及工作，金錢
2個讚
人生路不熟，初初幾年，有幾個人可以互相照應，有商有量，未嘗不可。
你未試過去到－個陌生地方，屋大無人只有自己－個嘅感覺，幾恐怖。
3個讚
唔會啦，同屋企人都會嘈交啦。
一陣邊個清潔呀，邊個煮飯呀咁，都有排煩
2個讚
同父母老爺奶奶都同住唔到啦何況非親戚
2個讚