大家點睇當老細不停同你講:「我係老細,請你返嚟係做嘢」

當老細一開始同你講,有咩唔明要講,有咩需要幫手要講,但係老細只係返公司3個鐘,只係處理CS嘅嘢,然後就話自己好忙,有好多嘢要處理。之後又不停洗腦話前同事因駁嘴,所以炒左佢,同埋好多嘢話自己唔做,要你去做,同合約見工時所講嘅工作完全唔同,做多左。當同老細講有難處時,佢就會不停講,「我係老細,請你返嚟係做嘢」,但從來講完都無去幫過手。想知大家仲會唔會繼續做呢份工?

辭職之後,老細開始每日黑你面,有事無事都會話你錯,話唔係咁樣做,但當佢去處理時,佢係處理唔到, 繼續比返個波你。加上將啲事實嘅野相反嚟講返比人知,話係你錯,唔通老細真係大晒?

辭職左就唔好諗啦

5個讚

講得好啱!

感覺係好要面子、好有虛榮心, 但只識吹水唔識做實事既人
完。 :face_with_hand_over_mouth:

其他嗰啲話會幫手之類,係心情好時既客吐說話,上面嗰句就真心話。
我以前上司成日講,公司請你返嚟係解決問題唔係提出問題,唔識做就自己諗辦法 :sweat_smile:,好mean but true.

1個讚

Exact7ly
受人錢財替人消災
如果有d 難題 我真係無信心,我點都會諗左兩個 best solutions 先問老細 prefer 邊樣或者有無 suggestion
但如果我知道我老細係冇能力,係expect我自己搞掂晒嗰隻,我真係問都唔問,會自己搞掂點都會死掂佢。

打得工收得錢我唔會放私人感情。
我如果要走要辭職,純粹會係因為睇唔到晉升機會 or 加人工加得唔夠高。

1個讚

按章工作啦
老細對自己好, 咪放多啲心機囉
佢對自己唔好, 你都無需將佢嘅講嘅嘢放係心
啱嘅, 做落去
唔啱嘅走囉

老細要做嘅嘢唔會少得過你
但老細做嘢個時, 你又未必睇到

你可以覺得老細廢唔識做呢啲
但老細如果識做, 就唔使請你啦

做老細唔會100%識晒但好老細會盡力幫手有咩方法可以幫你拆掂件事而且唔會令四方都 難堪
(老細自己, 老細員工(當中包括你, 客人嘅老細, 客人嘅員工)

老細係run一間公司, 幫手solve 你做唔到嘅事唔一定係佢分內事

你老細要面, 如果你覺得都比足, 佢都係咁, 由佢啦, 你就算屌完佢, 佢都係咁架啦, 唔會改, 老細自己創業, 咁緊係想做地比面佢架啦, 做老細邊個唔鍾意人地奉承一下?