年三十晚身處英國戲院睇咗一出喺香港同期新上畫嘅賀歲電影「毒舌大狀」, 場內應該都是來自香港嘅同鄉, 場內不時爆出笑聲, 黃子華妙語連珠嘅毒舌同劇情嘅走向令人頗有代入感, 睇完出來仲不時再回味嗰啲語帶雙關嘅妙語, 唔知身處香港嘅朋友同身在異鄉嘅港人有冇從中得到短暫嘅紓壓同發出會心嘅微笑呢? 喺度強力推介大家入戲院睇呢出電影, 亦祝「毒舌大狀」收視節節上升. 之不過唔知當年拍「少年足球」(至今在大陸仍被禁播)的編劇導演主角們, 今時今日再睇黃子華的「毒舌大狀」會否有被當頭棒喝嘅感受呢?
已睇
不過有疑問可唔可以劇透？
我未睇，明天睇呀喂
Oh…咁又唔知wo 因咩事響早國禁播
飯戲攻心，勿插，好差吓
黃子華脫離唔到黃子華
不過我對毒舌有期望，會睇
唔准
我星期四先去睇，仲要一個下午睇哂兩套賀歲片
係呀，傳聞係因為劇情似影射某D人貪污嗰D
講口齒伶俐當然係子華，大狀一定啱佢做
戲中諸多對白令某地在位者心虛。可去重溫其中謝賢既一番對白。
好！一陣搵片睇
超時空唔好睇 我覺得失望 有幾幕出現鬼樣的驚嚇情節
超好睇，i like dee gor，更like子華
我屋企人話唔好睇，我就無期望地入場
點知好好睇
下一套睇軒公
定係 “超神經”？ 
我都覺得唔好睇
我準備入場喇喂
我睇到d 影評雖然想盡量寫好d 但都feel 到好伏，呢套應該好差下
呢套我未買飛
原本入場笑下同想睇煨sir同軒公 ，但大家啲評語咁樣
我都係睇定啲先。
我都係為睇軒公
無睇trailer 無任何期望下入場 點知都幾失望
直頭覺得係王晶級數
回返正題 我都覺得“毒舌大狀”超好睇
完全無悶場
我覺得劇情好爽
有啲情節好似為香港人出返啖氣
感覺現實生活中搵唔到公義
唯有喺電影入面搵返
其實劇情好鬼TVB, 不過叫做爽劇, 唔好理咩bug,
如果真係想睇好嘅港產片, 建議下個月睇給19歲的我 (不過係紀錄片)
我覺得呢套係本年度港產片最佳, 不過唔知英國有冇得睇