有冇人另一半係咁

記念日出去食晚飯,佢問我有冇乜特別野想食,我就好開心咁做research, 想試下啲平時唔會去既地方浪漫啲嘅,有儀式感又可以乘機著靚啲。揀咗幾間比佢睇,佢都有睇到嘅。

去到記念日佢同我講,book 咗唔係我比佢既餐廳既一間扒房。 價錢係同我比佢選擇既個啲同一個range, 但係個style 係一班朋友聚下個種,唔係couple 慶祝。同埋我地之前都去過2次。

唔明點解我都比咗答案佢都要咁做。。。

我之前拍拖(第二個男仔)都有差唔多既事情出現,生日我明示想要某牌子既手鏈,佢送個價錢差唔多既第二個牌子比我。

你地有冇試過?

最好自己BOOK埋,到時佢出席同埋單。
禮物方面直頭俾埋LINK佢叫佢買。

女性期待既野好多時男性都唔明,仲會話價錢差唔多咪一樣。

晚餐 - 我話去食BUFFET啦,結果溫野菜放題,仲覺得自己好叻,同我講唔洗行出去拎野可以望老婆多D
禮物 - 我揀左孖C耳環,收到H手鍊,又認叻話H難買好多
:roll_eyes:

1個讚

會唔會係想知大概你鐘意咩但係又想俾suprise你。

我覺得有準備有慶祝就ok。你想去既可以留返其他日子再去,例如老公生日。

我又未試過因為我鐘意suprise所以好小suggest。

但我覺得佢又唔係你心目中條蟲所以好難exactly知我哋鐘意咩,你講多幾次鐘意咩然後每次佢做得好,就表現得好開心同獎勵佢,train up佢 :laughing:

佢地真係唔識邊啲易買邊啲難,佢識你仲驚 :laughing:一係gay一係溝開女,我買H個陣都會教我老公邊啲要配貨,我鐘意咩色咁,我仲叫佢買個陣一定要搵同一個sales。

1個讚

我都明TRAINING好重要,不過由頭到腳都要TRAIN,心很累。
岩岩封利是問我張銀紙點摺,福街,長利是封你摺乜Q

9個讚

哈哈 咁又真係幾搞笑,佢無收過利是咩,但會唔會係啲男人成日驚做錯俾女人鬧。

指定俾埋相佢都可以買第隻色,我鐘意深紫俾埋相佢睇佢買粉紫返黎,話我D衫深色所以要淺色先突出 :roll_eyes:

哈哈,我老公又未至於咁 :laughing:佢一定影哂相問我啱唔啱先買,佢知我麻煩友

不過退一步海闊天空,有心買已經好好,再讚下佢

1個讚

咁識講嘢:joy:

1個讚

想要乜直接比自己 費事有期望落差啦

我當許願井咁,將想要既link send 晒過去。個surprise 係唔知佢會否買,幾時送,但唔容許買左第2樣野,因為9成9都佢都買唔中我心意,我又實用主義,會拎去換貨。

我叫呢d 做controlled surprise :joy:

4個讚

你要果種能猜度到太后心意既程度,要麼情場老手,要麼擦鞋高手。
除非你喜好特別鮮明易估,情況唔似係。
所以接受現實,知足常樂吧。

4個讚

其實自己想食邊間就book 啦,唔明點解一定要男人準備,個紀念日大家都有份。

6個讚

上年屋企慶祝我煮,今年佢話佢準備者 :sweat_smile:
加上個point 都唔係book 位呢個動作,係我奇怪佢唔選擇最易既答案咁

樓上有回覆講到話可能係想知我大概鍾意咩又有surprise, 我都有叮一聲既感覺,可能真係咁

1個讚

可能佢好想食呢間呢,而你俾佢嗰間唔啱心水

2個讚

都有可能,我開頭估一部份係因為佢想「大概知間鋪啲野食服務係點」,咁去過既地方就安全

又點同呢

都好吖至少佢會同你慶祝紀念日

我隔離嗰個由拍拖到結埋都未試過同我慶祝生日,更唔好講紀念品

講番正題,你另一半會唔會係穩陣派,即係平時就算去唔同餐廳,但基本上都係叫某幾款菜嘅人,如果係會嘅,咁佢book同一間餐廳又唔意外,因為穩陣又唔使去到d新餐廳諗叫咩菜式

下?拍拖嗰陣都唔慶祝?咁生日當日會做乜?

男人好少咁樣,通常佢哋似機械人收到order直接做唔使佢哋諗就會覺得好正,佢唔跟你意思咁你可以問點解,係咪fully booked所以轉場?