小小超話香港已經復常了, 身邊有啲朋友打算返去行下, 睇睇親友. 我都想去行下見下留低的另一半, 但對新政府真係唔敢信, 早前都有人返去就唔可以返出來了, 所以都好掙扎, 大家對返港有咩諗法呢?
你問心有冇覺得自己高危先?
冇乜必要都唔好返
自覺高危或者畀人mark過名嘅咪唔好返。普通人應該無乜問題….
5個讚
係英國去過集會算唔算安全？
比人影左相？
全程都冇帶口罩，現場唔知有冇比人影相
1個讚
其實任何時候都有鄰居飛咗去香港，啲人不停來來去去，大家唔少都去過集會。
新聞會highlight拉到嘅一兩個，但實際上返香港嘅人成千上萬。
真係遇到過嘅困難，係五時花六時變嘅防疫政策。有人試過返咗香港，點知溶斷又隔離，搞到一家人分開咗半年，媽媽一個湊兩個幼子。自此佢哋一家唔敢返香港。
Anyway，我自己樂於用「香港好危險」呢個藉口唔返香港嘅。
8個讚
想問下唔安全邊方面
我講嘅唔安全是指家陣嘅正苦拉人無準則, 年宵市場賣「美麗新春袋」嘅布袋都會被冠上「危害XX法」嘅罪名, 邊有人會諗到自己到底會有咩被抽中? 官家又狂呼港人回流建設, 所以如果突然發癲關門落閘, 就會好似50年代咁樣, 兩地不能自由進出, 無人會知幾時身處其中, 所以真係好驚「一去不復返」不過呢啲有可能係自己嚇自己, 可能係年長見識得太多又經歷過不穩定嘅事發生, 加上日日留意住國際政治形勢,所以真係會驚啫.
如果唔係因為老伴仍留在港, 我都同你一樣諗法.
1個讚
好似唔係呢個袋出事喎
有家人邊有辦法唔返丫
我嗰堆移民道德高地人仕就連人哋返香港探親都話，不屑咁樣，佢哋自己冇家人喺屋企或者決定唔理囉唔該
3個讚
喺網上留個言都會俾佢拉，話你煽動反政府
到左今日開個市集，個狗官話你啲嘢令人回想起2019都唔得
我上年返過，不過我唔係喺英，嚟緊學校假期都會返
我有同樣嘅諗法，唔知幾時、點解拉你，唔知幾時會落閘走唔到，有啲爭扎，雖然好多人返過去，但你唔知呢一日係幾時嚟臨，以前已經發生過，更加相信有可能再發生
如果係呢方面，真係唔知佢幾時發顛，不過你普通返去探下家人應該就冇問題嘅
49年後一夜落閘冇得自由進出呢件事亦係真，不過香港應該未到果個地步，而家大陸都開始唔敢再封，因為經濟真係頂唔到
2個讚
至弊今上係唔睇經濟既，今年屍橫遍野，無數人仲係死無葬身之地，家人徬徨無計之際，一台題為［欣欣向榮的新時代中國 日新月異的更美好生活］既春晚大戲照樣上演，所以人所不能想像既事都唔好話唔會發生。真係好驚佢唔知幾時發癲。
1個讚
你嘅分析到位，只係最怕維尼發癲
如果咁驚，直接唔好返
返去一日驚一日，為乜？
而家返香港機票好貴，留返去其他地方玩
1個讚