係，我多數都係見女人擔心，但我同佢性格係掉轉。佢仲問我新老細幾多歲有無相 
我屋企係你弱化版，有啲情況幾相似。我想分享下我自己對老公呢類行為嘅觀察同自己嘅睇法，希望對你有啲啟發同幫忙。
我老公係機不離手，除咗工作真係好忙，到夜晚得閒時唔係上網就睇電視，或者出去搵朋友、做運動咁。我會覺得佢工作壓力大，一日只得夜晚係me time. 所以最多一路睇電視一路傾下計咁交流，有時佢都心不在焉，冇靈魂咁我咪唔講，走開做自己嘢。但如果我有嘢真係要同佢share, 係會好認真咁同佢講，佢亦會好識做熄晒d嘢聽。試過佢一路㩒手機一路同我講，最後我停咗，話等佢玩完手機再講，佢就會收手。
我覺得重點1 係唔好令佢覺得「又係八婆是非呀？」、「又呻到樹葉都落」、「好負面」咁，如果我日日聽負面是非都頂唔順（唔好意思，但成日聽負面嘢好影響情緒，尤其如果自己都大壓力，兩公婆都係咁話，我更唔想自己負面影響埋屋企人）。好多是非我當笑話或用第三者角度講，我個人算幾樂觀，所以講出口嘅聽上去唔係呻係share, 呢點幾重要，因為sharing 聽完冇負擔，留返啲quota 比真係要呻嘅事。
重點2，呻要搵岩對象。大部分公司嘢我搵同事呻，工作上想要advice先搵老公。咁就可以分散負面能量。
我都係全職打工仔，冇疫情前兩公婆都要時不時出差，通常我哋會互相補位。但補極我覺得九成屋企嘢都落響我身上：管理小朋友，管理工人，同租客聯絡，屋企節日安排，同部分男家親戚嘅聯誼，屋企日常訂貨…. 但某部分工作，例如維修，投資，甚至間中嘅全家戶外活動，我會留返比老公，因為我要佢「對頭家有貢獻」，要有投入感。對頭家有自己角色有責任感先會有滿足感幸福感，兩公婆仲會多啲話題，恰當嘅分工係好重要，唔好自己頂晒，你又呻慘而對方又以為你自己肯做，咁係雙輸。
有時我老公都係咁，佢話我咁大個人有能力可以處理好自己嘢（明比高帽我戴塞住我把口）。因為我唔係嗲果類人，個人算硬淨，所以又接受到。真係要佢關心我會講一兩句笑，例如「唔通我就嚟死？
」、「血流成河好似泰吾士河咁
」，通常佢就會理我
我老公好多缺點弱點得我知，但同佢嘅優點仲有我哋嘅感情比起嚟，我會選擇包容佢，因為我哋有感情。所以忍唔忍落去，我會用感情去考慮。比負面情緒影響，可能依家眼中只有唔好嘅嘢，亦容易將佢哋放大，試吓回憶下往事，諗下佢嘅好，冷靜落嚟再諗下一步啦。
另外，其實我老公都係出咗名嘅好好先生，響朋友家人眼中真係好仔到令人羨慕，事實上我覺得人哋對我老公評價咁好係因為有個好老婆配合所以樓主可以鼓勵讚賞下自己，你一直都做得好好，係時候企返響自己角度諗下。
3個讚
其實就係好似樓主老公咁呀
冇溝通，冇交流
佢對小朋友好多野講，對我就望都唔望，佢係小朋友面前會好友善會笑住同我講一兩句，小朋友訓左就當我冇到，唔好話傾偈，講一句野都難
對小朋友好上心，對我就咩都唔記得
Send msg唔多會覆，佢話做野忙，等好耐覆一個字/ok
咁平時講野又唔得，text又唔得，喊唔得冷靜唔得求都唔得，見過婚姻輔導佢唔太合作
我已經半放棄
我都係咁唸，不過老公話如果我唔去，自己帶個仔去… 我只係即管試下，settle down左個仔，到時我頂唔順會自己返黎香港
樓主，你需要嘅係陪伴同關注，作為老公佢可能以為努力工作就等於比幸福你，疏忽咗你心靈嘅需要。你不如搵個時間好好同佢傾下，話佢知你想要彼此嘅交流，而唔單只係照顧生活，我相信佢仍然好錫你嘅
你可唔可以只係做自己個份？例如佢應𠄘洗衫晾衫但拖延，你就只係洗自己同仔仔既。如果都唔改善就所有家務都分開唔做佢個啲。
我覺得不如俾老公湊個仔去先，等你老公試下一腳踢係點
我有朋友係，再join返個老公後覺得佢「生性」左
1個讚
都幾好建議，叫佢自己做返
我都唔明男人點解可以咁絕情，乜都唔講
我同你一樣放棄狀態
好似我老公，又係成日唔喺香港，佢直頭係近乎完美的爸爸/老公/仔/女婿。
但態度同你老公都係差唔多，我開頭幾年都好似你咁，以淚洗面，後尾發現有啲人個情感嘅敏感度同廁所板一樣，諗嘢係絕對理性，生活就係計算。唔好話安慰人嘅說話，我諗我老公連「安慰」呢兩個字都發唔到音，因為佢哋個世界，同基因係冇呢樣嘢的，佢又唔會同我呻，唔會講工作嘅苦惱；同樣地佢都冇打算聽你講，或者得個聽字，佢哋只會諗你咪解決咗去囉，安慰有咩用？！
經過呢十幾年，我終於明白生活有咩具體問題，你咪同佢講佢咪攪掂或指導你解決，但情緒上嘅我會搵朋友傾，有情緒病我咪自己搵情緒輔導，絕不期待佢會安慰，事實上佢知得架喇，唔好出聲踩多兩腳就好好了。
我老公識安慰我，有同理心。但佢比較簡單，又冇乜耐性，所以我同佢講都嘥鬼氣
例如早排我同朋友嘈，佢會一句：你咪鬼理佢哋啦，一句算，佢唔明女人複雜情感
所以我轉mode，叫佢陪我去邊去邊，車我去散心，食啲嘢，佢做就算
1個讚
我喺出邊食緊飯，見到你呢句當堂笑咗出聲 
形容得好好 
我老公今晚返嚟，可能知道自己理虧，同我講多咗嘢，個樣有啲心虛 又不斷同我諗solution. 但係我唔係好想睬佢
我地搬屋個時試過，只執全屋、阿仔同自己啲野，佢嘅電腦同佢著緊啲衫叫佢自己執，到到搬前個晚11點佢都未執衫，仲攪緊佢啲電腦同遊戲機，啲衫最後都我幫佢pack(第二朝搬屋公司九點就嚟）。不過我都好認真從來都同佢講去到英國佢真係要幫手，佢話到時佢會幫手，希望係真。
另一邊我train緊阿仔，佢知我辛苦所以好肯學（有啲安慰）
我想同你分享一件事, 有時同另一半呻, 會換來反效果.
我以前老細有情緒病 (佢調左去澳洲, 後來有情緒病要一個同日事飛過去接佢返來, 所以真係有情緒病), 我同我老公呻話呢個老細每日失控咁鬧我, 我老公無安慰我不特止, 仲講左句: “你個人咁難相處”. 其實佢從來無聽入耳我同佢呻的事, 只係講得我煩一句想KO我.
所以唔好一廂情願覺得另一半一定係聆聽的伙伴.
可以去睇下 5 love languages，大家嘅期望同感受唔一樣，雙方都覺得自己有付出，但感覺對方偏偏唔明白自己，我成日提我老公我究竟需要啲咩，有時係好激氣，佢會覺得佢已經做咗咁多，而我就係唔滿意
不過如果講到太冇同情心，仲由頭到尾個人都係咁嘅，我會唸起亞氏保加又真係冇得搞，佢地係異常理性，所有事情在於佢地角度都有得分析，當然係咁嘅話處理手法就唔同，相處上要調整心態，同佢其實唔愛你嘅做法不一樣，要搞清楚先
點都好，記住你有個好錫你嘅小朋友，你係佢嘅全世界，冇老豆最多窮，冇老母認真苦，男人同女人嘅思路本來就南轅北轍，傷心失望嘅永遠都係 sensitive 嗰個
慢慢你會習慣，你唔會再期望啲咩架喇。
Good idea! 我都有叫佢自己有個仔去先，set up晒啲嘢我先過去，不過佢唔制
1個讚
咁即係唔洗移民啦，yeah!
佢亞氏保加冇問題，佢都唔想，但理性嗰part亦包埋明白婚姻要互相付出包括關心，如果咁都唔明白ok，但唔好你唔關心老婆但期待個老婆關心你
你點對我我點對你係最好嘅方法，等佢feel下冇人關心冷漠嘅枕邊人
以後佢同你呻乜都回返呢一句
1個讚