咁我老公會同我講好多無聊野生活野
因為除左我佢都冇咩人傾到計
但一去到我自身唔開心野
佢就唔識講安慰說話 講句我明都唔會
最後我自己嘅問題會變成我同佢問題 吵落去
就係最憎聽呢啲晦氣說話
1個讚
咁都好丫
我連生活無聊野都冇辦法講
有時有啲嘢我同佢講，因為真係冇人可以講到，佢試過幾次都唔耐煩
然後我勁hurt話駛唔駛呀，其實我根本唔想同你講，只係我真係冇人可以同我商量先同你講姐
真係好迷惘
我老公都係咁，我地都攪緊移民，但我真係對佢好無信心。家務佢唔會做，湊仔又無耐性，成日打機打到3、4點，放假就訓全日唔同我地出街，假如去到英國我無左姐姐，又唔熟習環境，自己一個我真係唔知點算。同佢傾佢話到時自己會幫手做家務，我太了解佢，到時佢會拖延家務，得把口話做，最後都係我做。
不過唔去我就好似個罪人咁，人人都話為咗小朋友去，但係咪媽媽嘅感受就唔重要？
豬隊友 你去到真係要加油 好似湊多個仔咁
我衣家日日教阿仔做家務，老公就唔洗唸喇，叫佢做親家務都鬧交收場。佢份人惰性太強，咩都拖延，真係好似湊多個仔咁。
不如唔好自欺欺人，你都應該知無左愛情
個男人幾理性，只要係愛個女人，都會識心痛下
我老公就係d好理性無感受嘅人，但我喊我唔開心我整親少少，佢一定唔會成舊木。
你會唔會去見婚姻輔導？
或者睇吓點樣 pick up 以前感覺？
最撞情況我寧願離婚，兩個無愛情嘅人為左小朋友綁住左無自由過一世，我寧願帶小朋友揾返自己。
冇得變
呢句說話嘅道理我明白，但為咗自己搵自由，唔考慮小朋友嘅諗法，我又做唔到。我嘅情況係老公對我莫不關心，但小朋友仲好想同爸爸一齊住，雖然一齊生活我無咗自由，但最少小朋友仍然覺得快樂，而家我只想小朋友快快樂樂。
1個讚
你可能誤會咗，阿氏保加症同打罵錢財無關係。相反，佢哋好少打人，好少睇錢，佢地好多好好人。
阿氏保加症係感情和溝通表達問題。佢嘅溝通方法同一般人唔同。
我唔同意其他網友講「佢唔愛你」，我覺得只係佢表達愛嘅方法同你唔同。
1個讚
冷靜應對. 就算幾愛, 佢都係另一個個體, 係控制唔到的另一個個體。唯一可以做係管理自己的情緒，因為你無論點做佢都滿足唔到你的期望。
不過，以上呢個唸法都代表你地會慢慢越行越遠, 所以人大左我都明點解外國人有幾段婚姻.
發現好多姊妹有同樣嘅老公問題。
好開心可以喺呢度抒發出來。
就算大家嘅老公唔明白自己，起碼有同路人喺呢度關心大家 
好想比大家一個攬攬 
咁你可能好好地同你老公傾吓
你老公應該好錫你小朋友亦都好識得表達對小朋友嘅愛，因為你老公真心愛佢哋。
你同返佢講，一個家庭嘅基礎係父母嘅愛同幸福，小朋友係會睇父母點樣相處，會學習自己點樣對待自己另一半或者揀另一半
你而家小朋友可能仲細，到大個啲，佢一定會感受到你唔開心，亦都會見到爸爸對媽媽冇關愛。
1個讚
如果無共識一齊承擔未來嘅移民生活，我會覺得唔去對小朋友先係最好
我老公好啲啲嘅，會做家務會煮野食會湊仔會打完機第二日捱眼瞓照送個仔去8am嘅校隊訓練etc 只係quality 一般咁囉……如果佢係乜都唔理個啲，咁我寧願留返係香港有工人幫手好過。我相信阿媽開心會比小朋友係邊到成長更重要。
我哋溝通過，佢寧願返工都唔願意花時間係我同小朋友身上，講到離婚佢都冇改善，我都好無奈，唯有見步行步
同你想法一樣
如果只係兩個人，我真係即刻離
有時望到老公拖住小朋友，兩個好開心，真係想像唔到離左婚會點
不過我都明白，小朋友點會唔知父母感情好唔好，我分唔清係自己好驚定為小朋友，或者兩樣都有
其實真係唔開心
我好冷靜地問過我老公不如分開，佢問我做乜姐，我覺得佢有啲迴避，分唔到佢真心覺得冇問題定因為細路而繼續
1個讚
你哋有乜嘢問題？
係囉, 姊妹可以分享吓？
題外話，我老公無你講呢啲問題，好鐘意陪我所有時間都俾哂我，但佢對我身邊所有異性都係假想敵，覺得有啲誇張。我返工黎左新既男上司，佢好擔心仲會有小小唔開心，好驚佢成日搵我做野。平時去剪頭髮佢都會問幫我剪既係男係女。
我係個啲勁social-able既人，未同佢一齊之前同所有人都好friend，有時髮型師都撩下我，但男人都係口花嫁啦，結左婚之後已經唔再咁social。
唔知會唔會唔想講題外話，介意我可以另開新post 
你老公幾得意呀
比較sensitive。好少聽到老公擔心老婆個上司 
其實我老公比我更加Social。佢工作上有更多Networking.
係講到咁感性嘢，佢就變到handicapped