原來超市，例如樓下間百X（好少去X康）：
- 蔬菜類係磅做重量位，同一個價錢街市用「斤」佢用「磅」
- 清潔用品/個人護理/，同一件貨品藥房平過佢
- 零食/飲料，更加唔使講。
用時有啲信用卡做推廣，折完都仲係貴過出面買。
1個讚
而家先發覺
7個讚
係，因為最近多咗陪屋企人行街市嘛
就算唔計價錢，平時都要盡量幫襯街市，小本經營，唔入錢落大集團
超市洋蔥都貴一倍㗎
5個讚
就嚟用100g
1個讚
不過，我最近响藥房買咗假嘅洗頭水，平時係白色，今次竟然係粉紅色，質地都唔同，
所以超市貴係有原因
7個讚
包裝一樣？
藥房太多假冒嘢，例如扮到好似正貨嘅藥油、漱口水，真係買慣買熟睇清楚先好買。
3個讚
百佳d野起碼貴出面3-4成 反而惠康有時特價會平過藥房
3個讚
我鐘意去超巿買嘢，因為可以一次過買所有嘢、俾信用卡、慳我時間、六七點都仲有嘢賣、明碼實價（雖然唔係最抵）、俾錢有秩序。
如果啲嘢唔急，例如凍肉，廁紙、洗衣用品等，我會去hkxxmall買。
有人磅菜嗰啲百佳，啲菜平過我最近嗰間街市。超市用磅計菜已經好多年，一磅454g, 一斤600g,想買一斤嘅嘢咪自己x 1.3
9個讚
藥房就一定去相熟嘅，唔好亂入
我唔會去惠康，深藍
我就係鍾意被誠哥同維基呃錢
6個讚
有時好怕去藥房，好迫人，啲人個樣又惡，俾錢又要快咁
3個讚
其實一向都係架
可能樓主平時少去買嘢
2個讚
我反而覺得依家屋村d藥房佬好多都有禮貌左 比錢果時仲成日叫你慢慢
1個讚
所以都要揀下
1個讚
我嗰度無啲咁好態度…
1個讚
超市係雪糕/袋裝蛋糕做減價/買兩件平啲時先會抵。
牙膏，米，牙刷，廁紙，飲品，成藥去藥房買，平過超市。
凍肉，洗頭水，15kg米，口罩，洗潔精，保健品，我會趁有折去hktvmall，抵啲又唔使自己搬。
價格好有學問，橫掂都要買，做個精明消費者。
5個讚
去開街市買餸就唔會再捨得喺超市買菜. 仲有更加唔捨得喺餐廳叫個七、八十蚊嘅清炒時菜.
去藥房買清潔用品/ 個人護理, 去啲大間啲嘅藥房有時仲平過細細間, 啲藥房好多時有好幾間同一個老細, 入貨入得多啲, 入貨價平啲, 賣返出去都平啲.
5個讚
我諗我30年前已發覺 
1個讚
如無必要唔會去超市買。菜都無咁靚啦。
1個讚