小朋友K1, 做野慢吞吞.
叫佢洗手佢就係洗手間入面照下鏡, 摸下個水喉, 望下呢度嗰度都仲未開始洗.
同佢換衫就成日無腰骨咁, 呢度挨下嗰度挨下. 我已經表明我嬲佢都仲係度周身郩係度笑.
今日佢係學校入面換鞋, 佢就坐係度慢慢換, 我見其他遲過佢嘅小朋友已經一個一個換好鞋行入班房.
睇D育兒文章就話呢D性格可以係天生, 會較內向, 連學習都會咁豬油.
的確佢係內向.
但係佢做功課讀書D位佢又唔會拖拖拉拉喎. (可能唔洗日日做)
我明學習唔拖拉已經算執好.
但係D佢生活細節位我真係眼火爆.
有無人小朋友都係咁? 有無方法可以改善下呢? 定係我自己要改善心態呢?
會唔會係小朋友無咩時間既觀念，會唔會同佢目標為本講話我哋例如十點就要出門口嫁啦，然後俾佢自己洗手換衫。同如果知佢慢啲就睇下佢肯唔肯早啲開始。
又唔係軍訓，我覺得慢吞吞無問題，如果佢肯早啲開始準備，照下鏡好小事 
始終有啲大人都好chill鐘意慢慢黎。
同你都可以睇開啲，如果結果都係做到，咁過程就由佢，始終人人性格唔同。
我都覺得我係豬油糕個類 
但真係趕時間我都可以快手。
笑左
我都有個小朋友經常慢吞吞
無論你點催都係一樣慢🥹
我認同係天生，覺得唔會有得改，除非佢自己改變
睇開啲🥹
其實係小朋友眼中，可能諗咁點解要敢急？
如果真係慢，就早少少預備。兩個小朋友仲細，我真係預1個鐘準備出門口
同我屋企嗰個一模一樣!! 不過佢已經小一, 佢由幼稚園開始已經係咁…專注力極差. 喺屋企叫佢去前面攞少少嘢, 都可以被途經嘅一張紙、一隻杯 distract 咗, 走咗去就唔記得咗原本要做嘅嘢
呢個都有啲認同。
我小朋友就算知幾點要到，出門口前都會mememomo，女仔仲加煩，仲要襯埋啲衫揀下邊條裙靚先出得街。
明明有時間都搞到要趕頭趕命。
我自己細個就係咁，我係高敏人，做事好有條理，非常細心但唔急得，一催我快就會亂咗我步調，每次俾人話慢都只係想做好每個 steps，我媽個人又係好心急，如果問我對於細個返學嘅記憶，第一樣彈出嚟嘅一定係朝朝都趕頭趕命好辛苦，認真童年陰影
大個咗我自己就知，因為個人唔急得，我係寧願習慣早好多起身，要有時間俾我慢慢搞，step by step，真係天生步伐日日催佢快冇用㗎，教小朋友慢唔緊要，不過要明白慢就唯有早起身，預鬆時間一個一個步驟完成
最浪費精神而個人又隨時遊魂嘅係唸 What’s next？所以建議提前預告，俾時間佢心理準備大概乜嘢時候要做乜，習慣有咩腦海 plan 定其實好心水清，日日都跟足晒時間表，好順手咁做完呢樣做嗰樣，中間冇咗個銜接期唸做乜會快得多
係呀，因為我哋大人知道遲咗會點，又有好多經驗，佢哋細個根本就唔明點解要快。
會呀, 因為仲細未識睇鐘.
要開始多D教下佢先得.
唔知有無得train呢
睇黎係我自己睇唔開, 咁我要學下腸開d先得
一模一樣! 
咁佢同你真係有d似, 好細心.
我可能要試下用你d方法試下先得.
樓上提到佢係高敏人, 我小朋友都算高敏… 不過佢肯定唔似你咁好, 起碼係細心嘅人… 佢反而又草率又論盡. 最近開始有少少懷疑佢有輕微 ADHD. 佢一定要周身郁冇時停先舒服. 但托賴學業成績都仲算唔錯… 我都唔知需唔需要擔心
我老公都係 做乜都慢吞吞 食飯都食好耐 出街又搞勁耐 唔催得 我估佢細個都係咁
有，但無辦法，皇帝唔急，太監急。我成日笑佢生錯左喺節奏快的地方。
可以限佢時間要完成，之後貼紙獎勵計劃同解釋佢知拖到無曬玩的時間。但成效就睇返當事人
揮手
都係小一咁大
叫佢換衫，每件衫揚幾廿下都仲未著上身，著完仲要扭一大輪
一啖麵包「梅」5分鐘都仲未吞
叫佢放學除鞋除外套放好書包，除完鞋後問我「咁外套呢？」
催佢快啲仲要發脾氣
已經勞氣到唔想再勞氣
都係呀，我個仔k1果時有日就遲到，我好急，佢仲話都遲架啦，慢慢啦
完全我仔，小三
其實當小朋友開始大，我就開始教佢睇鐘，如要出街我會早一日同佢講，到出街個日，當我預備緊，就會早半個鐘話：長手指（分針）指住幾多就出門，等佢知道下時間。再大少少，就會話幾時幾點出門口。當然，我試過有一次話出門去睇戲，結果夠鐘佢都賴死唔去衫，結果我真係好狠無出到去。自始之後，佢就唔敢再遲，知道要跟時間。當然呢個教訓已經係佢讀緊小學