請問大家生完有無覺得自己蠢咗？
我覺得自己反應慢咗好多，遲鈍咗，無以前咁靈敏，好似食咗豬油膏咁
個人又驚青咗
唔知關唔關聞氣聞得多事呢？定係純粹係我自己退步咗，我順產
生完幾耐？
唔夠瞓係咁
無喎。係咪唔夠瞓呀
身份唔同左，專注點唔同左，時間同心思花咗喺唔同地方姐！
有無聽過為母則強？
蠢左咁點強呀？
1個讚
生完兩年幾啦
我覺得自己癈咗好多
生完真係蠢3年，我生左兩件蠢6年
但可能小朋友開始大，覺得個人狀態好左，所以唔好太過擔心
2個讚
如果係岩岩生完頭兩年係正常
因為頭半年至一年
身體荷爾蒙要回復返正常要時間
如果有繼續餵人奶 身體既催乳素都有影響
同埋照顧小朋友 係比你想像中耗神同花心力
我都係到我仔上到k3 無哂bb野 個人先回到生前狀態 不過年紀大左 個人易攰左同懶左
吾認老都吾得
2個讚
我係，做女時好醒反應好快轉數又高；但生完頭兩三年覺得自己諗嘢慢咗，反應冇咁快，又冇記性，工作上表現連自己都feel到唔同咗
但三年之後會慢慢開始好返啲，雖然記性仲係好差（我覺得係年紀大咗）。
不過生完我脾氣好咗，個人變得更有耐性同埋有同理心，而且坐月坐得好所以身體同精神好咗，仲未計生完同同事多咗好多話題，亦識到好多媽媽友，開拓咗好多我以前冇諗過或從來唔知嘅領域。所以都唔係只得唔好嘅轉變嘅。
3個讚
我同你相反，生完個人躁底咗
我都係順產，但冇用過任何止痛藥物，所以又唔係好覺有li個情況
我生完6年，呢6年都唔覺曾經蠢過。
agree，我一直都有做開counselling相關工作，生完真係脾氣好左，同client溝通感覺唔同左，會明白佢地多左，返到屋企對佢小朋友trouble 2都寬容左
你就好啦，我嗰陣生完日日對住麻煩嘅6299、成日家嘈屋閉。
正常架
生一個蠢三年
我試過
同個女上完playgp揹起hip seat就走，臨到地鐵站口先發現未同個女著鞋
明明出街目的係要幫個女買洗頭水，行完一大圏買左好多野，返到屋企「咦，洗頭水呢？」
拎住個女對污糟襪，掉左落垃圾桶
數都數唔清
1個讚
啱啱生完果陣我都癲左，試過差啲想搬返娘家，不過之後就識玩啦，對住數字人一要智取，自己盡量唔犯錯，等佢發癲就可以大條道理同老公講，二要自己睇開啲，太執著無好處
1個讚
我都要感恩有6299，能夠面對佢十年以上，面皮厚咗唔少個人小心咗
我都覺得好似樓上咁講，生完身份唔同，專注嘢唔同咗，我以前好好記性，生完好似只記得小朋友有關嘅嘢咁，其他嘢變得唔太記得。
同埋湊小朋友用咗好大體力同心力，真係好攰，攰都係影響記性同行動力嘅重大因素。
2個讚
頭半年係比較無記性，覺得係身體未復原晒，同埋唔夠瞓好大影響
之後慢慢就回復狀態，阿仔歲半仲開始埋讀碩士