如果而家賣樓

有層舊樓想放,由去年擺到而家都未放到,幾個月冇人出價,個市好靜,個心都有d急,去到最近有人出價,但大幅壓價,本身標價已經蝕讓,所以呢個價有d難接受,想問下到底應該不問價照賣,定等通關個市升?因為越近通關又真係多左人睇樓,個市都可能會彈一彈

問下自己

  • 賣樓目的為乜
  • 蝕轉係咪要補錢比銀行
  • 心中價位係乜

理性睇
同區差不多嘅價錢
銀行估價
都可以參考下

睇下想放既原因急唔急, 再對比下養住層樓既洗費 (差餉, 管理費, 或好快有大維修支出)

本身你屋苑多唔多成交? 同估價比可能係大幅壓價, 但同近期成交會唔會其實已經個出價係市價?

再細諗賣左樓既資金有無更好出路? 照蝕賣後攞返既資金夠唔夠你本身既 planning? (例如移民? 比仔女出國讀書? 換樓? 投資?)

通關係通人,但唔代表D錢落到嚟

5個讚

絕對同意, 依家D錢想係北流向南唔容易… 所以通關唔等於有錢…

可以觀望下嘅

利申,自己都賣緊樓。
長期香港一定利淡,人走錢走,應該返唔到19年個價錢。
睇短期,無論通關有錢有人黎係真定假,市場若果信,價就會企穩,睇返恆指就知。你若果唔係好急等住錢使,可試下等埋今年,美國加息周期就快完,依照經濟學常識資產價格一定會彈一彈。
其實資本市場好有趣,若果無法將香港管治敗壞之風險予以量化,驚一陣之後就會當作風險不存在,繼續信富貴險中求。

賣樓係因為對香港前景冇信心,想套返錢出來做其他野好過一路睇住蝕,出路就一定有

同區來講我個價最平咁滯

舊樓返去 19 年個價好難,出年應該升返啲,但好似好多人等放咁

睇等唔等錢使。唔等錢使,就算移民都會留返一層係香港

岩岩有朋友放左, 好多人睇, 佢有人睇完一日即出offer, 個價只係比之前平一成到, 唔算太壞 。

衣家好多人問樓,日日經紀call我唔止一次,價錢比之前出價上返,唔急可以等等。