如果擴散咗去個腦，係咪等於唔剩好多時間？
每個人情況不同
我家人，年輕，腦cancer, 一年走了
好難講，
識得有老人家由醫生評估半年內，到最後4-5年後先走。
老人家好豁達，老頑童一名，完全唔當cancer係咩一回事。家人亦照顧週到，放棄用藥，轉行食療。
6個讚
有聽過個腦有，醫生都話日子唔多，但個病人係咁做運動操到好弗，我聽嗰時起碼有六七年前，病人如今仲健在
4個讚
原發係咩癌症擴散到腦？
知道肺癌有某啲基因突變係比較易上腦，但唔代表剩低嘅時間就一定係短。現實case, 超過10年都有。平常心面對，最緊要保持希望，唔好放棄。
2個讚
去到腦係好危險
腦腫瘤可以引起身體其他問題, 因為腫瘤會壓迫附近腦組織, 影響那部分腦組織負責的正常功能. 例如手腳無力等各種徵狀, 影響日常生活功能及影響生活品質.
可以的話, 同時針對腦腫瘤醫治, 例如全腦放射治療, 減輕病人這些不便和痛苦.
要睇係邊隻cancer同幾時發現，唔可以一下就做結論，我家人係切咗肺個粒，過3個月發現原來偷偷走咗上個腦，個隻cancer好毒嘅，但係都照做電療同化療，個指數係落返好多嘅。都識人其實去到第4期醫都仲有好多時間，而家醫學係好好多。
1個讚
上腦都唔耐，我舅父 50 歲命都唔夠，中咗做開腦手術，最後嗰兩年都好辛苦好弱。
我屋企人係腦發現有幾粒腫瘤，做完開腦手術，之後發現個肺都有cancer
好努力做腦電療，肺化療，但做咗一半再照個肺cancer控制唔到，擴散晒
最後佢放棄西醫治療，而家睇中醫紓緩痛楚，每日都努力賺緊日子，我哋都好珍惜每日陪佢嘅時間
家人同病人都唔易，大家共勉之