你哋既老爺奶奶會唔會妒忌老公只係想陪你/對你好？
我老公同佢自己阿媽阿爸冇咩溝通，直頭每日見面但可以只講兩句說話，就算一齊出去都係我同老公行快啲，因為老爺奶奶係傳統嘅老人家，唔會表達愛同關心，有時佢哋愛你但係會用咗批判嘅方式，姐係傾計只係識叫你食多啲，凍著多啲衫，一病就話你肯定唔著衫凍親。同埋有generation gap, 大家食嘢或者想玩嘅都唔同。
所以老公咩都同我講，我哋又好close，老公一有時間就同我去食飯拍拖同買嘢俾我，老爺覺得老公大細超，老公就同佢哋嘈。
我覺得佢哋都幾唔通氣，其實佢哋對我無咩嘢，但聽到佢妒忌，又會有小小唔鐘意佢哋
老公陪我去睇醫生，奶奶嬲咗
你呢個case完全唔合理啊。你哋有咩感受啊？點面對佢哋？
我好矛盾，我又好似明白佢哋一定係會覺得我老公大細超，當然個個都會想個仔關心佢，但我都明點解老公唔鍾意同佢哋相處，但另一方面我當然想老公錫我陪我啦。
講真佢哋又無對我唔好，平時一齊出去食飯係老爺出錢，我又唔覺得佢哋係壞人，咁先最矛盾。你話佢係衰人我就可以一野爆佢。
你哋幾多歲？一齊住？婚都結埋都要老豆請食飯？出錢就係好人？
搞笑
奶奶妒忌心重，無得解決。例如佢嬲個仔同我去旅行，唔同佢去。我有個friend嘅奶奶仲顛，會自己買張機票跟埋個仔新抱一齊去，搞到我同事唔敢再去旅行
我已經化咗，老公夾喺中間就辛苦d
係一齊住，老爺可以出公數，好多時都係佢俾錢。
咁人哋出錢請你食飯，都係一種對你好既善意啦，我會覺得係對人好既表現，你會唔會啊豬啊狗都請佢食飯？
同埋我想帶出佢想癡住我哋但並唔係癡飲癡食個種。
出錢食飯只係一個例子，仲有其他事令我覺得佢哋唔係差既人，我無一一列出。
你一黎就起哂降仲搞笑啦
嘩 跟去真係好癲，其實太過火真係會想離婚喎，我嫁俾你個仔唔係嫁全家。
我就係見到老公同佢哋嘈，覺得佢哋都唔通氣，唔係應該想夫妻sweet咩，講真兩公婆婚姻唔幸福仲頭痕啦
奶奶點會知
我覺得我嗰個有！
係唔係妒忌心我就無從得知，佢無親口講，總之老公然咁對我太好佢就唔係咁鍾意囉，會講說話潤我老公……………
然後就話自己只係講笑。
呢啲嘢只有未婚/新婚我先會care, 對耐左就係nobody。
會、不過你話你哋老爺埋單多、但老公又會唔會無送過野俾老爺奶奶先、係既話呷你醋都正常
咁老公真係無咩送野俾佢哋，係母親節父親節一年一次。其實佢哋咩都有，同老人家心態唔鍾意用新野，有時送件衫俾佢哋都唔著新，要著舊既。
同比起送野，佢更加係覺得我哋有節目唔預佢，但係真係唔啱玩，姐係我哋想食日本野佢又鐘意中餐。煩
但佢講完，又要entertain下佢哋，陪下佢哋出去，有啲煩。
唔好理佢哋囉，你兩公婆有權開心
唔係鬧你，
我又覺得有時候可以做啲你6299中意既野，老人家都中意去飲茶，
食茶餐廳，大排檔之類。
有時候可以就下佢哋囉。請下佢地。
等佢地開心下。
以後大家都要一齊相處，
又唔係話反面以後唔見。
諗下點好好相處？
啱，做少少樣都需要嘅
其實有時都有飲茶之類個啲，但有時聖誕節個啲只係想二人世界。不過宜家我唔理，等老公處理。