小學計分問題

新手媽媽一問
如果爸爸係某小學舊生 係咪代表第一個小朋友係個間學校有20分?
但因為間小學唔係咁好 唔想入個間 係咪自行博第二間&大抽獎唔填咁前就唔會咁易中?
求各位大大解答 諗極都諗唔通:face_with_spiral_eyes:

爸爸係舊生+第一個小朋友,應該係25分必收。

如果爸爸間小學唔係心儀,我都覺得可以照申請自己心儀果間(即15分),反正第一階段落空都正常嘅。

2個讚

首名子女15分,舊生加5分,宗教加5分,呢3様都有分先有25分,25分係比較高嘅分數,但唔係必收。必收生係有父母在校工作或有兄姐讀緊先係必收生,如果同分小朋友多過學額係要抽。

4個讚

如果自行無學校收 會唔會大抽獎會易啲抽中唔想要既學校因為有20分?

Icc! 因為仲有個妹妹跟尾 所以哥哥要揀得好小心:disappointed_relieved:
頭痛緊

自行先睇計分,到派位階段只能靠靠運氣,就算你小朋友自行幾高分、甚至係必收生都好,總之自行你派唔到/放棄學位,去到抽奬都已經唔關你事

自行有交表但唔中,會自動轉去大抽獎階段,教育局會每個學生隨機派一個號碼,號碼越前就可以派到甲一學位,甲部份係全港,乙部分係跟住址證明,假設全港有1000個學額,派到0001號碼嘅同學可以派到自己填既甲一,之後到0002號碼分配學位,如此類推,一般大熱小學好快就額滿,號碼越前越大機會派到心儀嘅學校,派到0999 號碼嘅同學最後只可以派到D冇咩人要嘅學校,由於號碼係電腦隨機編排,同自行選校份表係無關係,所以先會叫「大抽獎」,只係靠運嘅遊戲。

另外,自行、甲一、乙一都填同一間學校叫111,只係叩門時表示嘅誠意分,有啲小學會見111學生先,或者睇小朋友portfolio 再決定interview邊個小朋友,到最後學校都係會揀D比較叻嘅小朋友,111通常係如果有2個小朋友能力差不多時先會考慮嘅誠意分。

1個讚

你小朋友K2?
因為K3自行已經出晒結果,嚟緊要填大抽獎。

多謝你咁詳細講解!明白哂!

其實未咁快升小
但因為要搬屋 1516緊搬去邊區 唔想過幾年又再搬