老公中左， 佢唔想入營，但家中有小童， 我第一個反應係覺得好煩腦， 佢鬧我點解我要唔開心， 仲要話我唔關心佢， 我之後有問下佢點， 但第一個反應係覺得點算， 屋企有細路
咁你哋test左冇不如自己搬酒店住？
7個讚
第一，屋企有人中唔代表其他人都會中。
第二，其實中左都冇咩事。
親身例子1：今年9月時我老公中，我同個仔都冇事，同1間房訓，快測陽性嘅前一日仲用同一隻匙羹食雪糕添。我都諗住實中，但我同個仔都冇事。
親身例子2：我同個仔啱啱12月頭中，只係發燒去到38度，訓左一覺就退哂燒，冇咳冇喉嚨痛過。而我陽性之後第2晚到個仔有d燒，但都只係37.7度，冇食藥，夜晚訓左一覺，訓覺途中我有幫佢探熱，已經冇再燒，訓醒後都冇再發燒，冇喉嚨痛過，冇咳過，而且只係陽性左1日，訓醒已經變返陰性。
所以唔洗太擔心，亦唔好為呢d事唔開心。
9個讚
理性啲啦，根本只係重感冒… 你仲係咁驚嘅唔通要成世搵個玻璃罩罩住你個小朋友黎養咩，出街都大把菌，唔一定係老公中左留喺屋企先會傳染俾你個仔，就算真係中左，咪當係train身體嘅抵抗力囉又唔係絕症… 想避到幾時呢？
10個讚
其實唔舒服最好留係屋企休息，凍冰冰就唔好去糟糕灣，同小朋友中真係好得好快，8月我仔中左燒左一日就無事，女兩日都搞掂，呢排咁勁我吔都唔驚周圍去。
老公都係你最親既人，仔係重要，老公都係。你試下病左你老公扔你去糟糕灣？
多謝你既分享
謝分享
真心請教， 係咪真係無後遺症？
如果中個個係我， 我願意自己一個入去， 都唔想’野’到家人， 唯一會擔心佢地無左我係屋企照顧佢地， 唔知佢地自己搞唔搞得掂者
2個讚
Omicron冇乜
其實中左真係好好好少事，唔好比果d垃圾新聞嚇親。我中左冇隔離，我仔都中，咳2聲，少少鼻水，2日好返晒
仲有絕對冇咩後遺症。
後遺症係，佢病完一日之後日日龍精虎猛，但到我病，加上隔離14日，日日電視放題，變咗電視精
佢前排同爸爸去跑3公里仲贏咗獎，其實真係唔需要擔心。平常心，病咗咪係屋企大覺瞓，平安過節。
5個讚
真心，遲啲流感咪又會傳嚟傳去，我有兩個小朋友，以前都會輪流病，返學又會同同學齊齊病，擔心咁多，對個人心理都唔好
2個讚
我老公3月中左，一中佢就走左
但2日我同個女中埋
我勁嬲，唔係嬲佢傳染我，我係嬲佢唔係我身邊
因為發燒辛苦仲要自己一個湊無人幫
我明你唔想小朋友中，但就算你老公唔傳染比佢，出街都有機會
中左真係唔係好大件事，中左之後個人反而放鬆左
3個讚
謝分享
多謝分享
多謝分享
1個讚
咪就係感冒症狀之嘛
我都擔心如果我中左， 自己辛苦， 我仲要照顧小朋友， 仲要照顧埋老公
我女中Delta, 燒一日嗰晚早d 瞓第二朝已經無事。
後遺症可能要過多兩、三年先有研究有冇事，
但我哋一家中咗一年後都唔覺有咩大問題。
1個讚
他入隔離營唔代表你地不會中，他係屋企隔離也不代表你地會中。去邊度隔離其實都無所謂。
如果遲早都會中，現在是最好時機，因為病徵好輕微，係喉嚨痛最辛苦但都係1-2日就好轉。
我之前中左都係家居隔離，兩個細路小學年紀連老公都無中。
1個讚