好似徐淑敏咁 係幸福定唔幸福呢？
https://www.hk01.com/即時娛樂/848967/徐淑敏高調慶祝奶奶八十大壽-婚後與奶奶姑奶同住13年令人佩服
一家5口無令到屋企空間減少，一間房既size等於普通家庭個廳咁大，家務有工人做，已經少左兩個磨擦既理由。
小朋友佢又願意放手由得人地教，即係連小朋友既教養都唔會磨擦，又唔洗鬧交。
10個讚
屋企有錢又有工人, 咁嫁入去都唔需要做家務就小左好多
磨擦, 但有左小朋友就唔同講法, 加埋仲有姑奶一樣唔易…
1個讚
所以都係有錢同睇得開就會幸福啲哈哈
1個讚
不過睇落佢奶奶同姑奶係個啲有讀書，有教養既人應該好啲
2個讚
有受教育未必有教養。 一個人嘅教養同家庭教育有關，學校教育幫到但係未必係咁大影響。
人好唔好，同本身嘅性格有最大嘅關係。
最記得細個嗰陣時， 有個女長輩係大學畢業， 但性格都幾刻薄， 重男輕女，覺得啲新抱永遠都要做家庭主婦， 男人做錯嘢永遠都係女人嘅錯–因為女人冇照顧好個男人, 因為女人唔識得支持個男人… 同所有新抱關係好差.
3個讚
屋企大真係少好多磨擦，徐淑敏都應該係容易相處的人
係呀係呀，我意思佢哋係有讀書同埋有教養。
覺得啲傳統思想，咩重男輕女真係害人不淺，仲要女人難為返女人。不過宜家香港新一代應該都唔會咁。
希望係咁。
不過成日覺得真係人夾人緣， 我有幾個朋友，都同奶奶住咗成20幾，30年， 都係相處融洽，因為大家適當嘅時候， 都會扮盲， 扮聾，扮啞。
6個讚
鬧交一隻手拍唔響既。所以真係睇吓大家幾高eq哈哈。
同埋其實老公老婆有時都睇大家唔順眼啦。不過女人同女人相處好似總係多啲猜忌咁。
塊引用
一來要有錢間屋大, 有工人唔使做家務最好, 仲要好睇個奶易唔易相處
我都覺得冇可能冇衝突，應該係隻眼開隻眼閉，睇唔過眼都唔好出聲，鬼叫自己嫁入豪門
1個讚
呢個係好高境界，仲要係雙方都係咁先得喎
1個讚
佢所謂嘅一齊住應該未必成日見到嗰隻
1個讚
所以做豪門唔知係幸福定唔幸福。
只可以講點揀都有得有失。
所以人係冇完美，要珍惜現在擁有；
有些人有健康冇錢
有些人有錢有冇健康
有些人想生冇得生
有些人唔想生但又有咗
1個讚
等價交換來
老公話要同住佢應該冇say
有錢又有空間 仲有咩問題
係，其實佢都係有錢人想要既新抱template，靚女身材好，鐘意煮野食(佢籃帶)，再加同老公屋企人相處好。
有錢已經解決左9成半以上嘅問題