1）我煮咗碗金寶湯
問我媽飲唔飲，
佢話唔飲
佢我拎隻碗出黎， 再問多次佢飲唔飲
佢點頭
我筆咗小小落個碗
開埋張檯比佢
佢話佢去廁所先
之後我入咗房
出黎見到佢係廁所到行出黎，收埋個無湯碗係外套到
我同佢講， 你唔想飲就頭先唔好點頭
好 折墮
2）係呢啲時候開冷氣
叫極都唔聽
我話隻狗凍， 佢開住冷氣開暖氣比狗狗
佢話開窗好凍， 閂窗抖唔到氣
呢兩件事
我聽到當下都係hang咗機
到底係人老咗， 啲仆街性格出晒黎
藍絲真係無個好人
1個讚
先唔講政見立場，但人老左，又真係會性格古怪左。
我婆以前好明白事理好精靈，臨尾個2年都好似變左個人咁。
我媽近年都開始黎料，我嬲個下真係心入面會覺得乜料呀你，不過下左啖氣就會覺得算囉讓你，有得讓好過冇得讓。
不過咁係因為我媽後生時係好好，如果一直都係衰既咁可能我都唔會咁願體諒。
7個讚
其實佢做呢啲嘢同藍黃冇關係
14個讚
情況1，係咪見你問2次 唔想再拒絕你好意？
1個讚
以我自己經歷過經驗，你媽媽應該係腦退化，而且係其中一個、病徵之一個過程，你要寬容忍耐及慢慢制止佢，唔好發脾氣一下子制止佢，相信佢係控制唔到自己行為。如果有睇開醫生覆開診，同醫生講下情況，或開減慢腦退化藥俾佢
10個讚
啲老人家唔好太就佢，最重要唔好同佢執屎，同細路一樣，要比佢知任性唔聽人勸嘅結果
我阿媽好鍾意乜都唔知又懶醒，話佢佢最叻覆我一句：你唔好理我。好呀，佢問乜我答一樣，佢賴咗嘢我完全唔理，好快收皮
不過腦退化症又另一件事
1個讚
死火，1,2我都有做
尋日太濕，冇抽濕機，我開左冷氣，同啲狗一齊瞓暖墊。
老人家成日煲老火湯我飲，我想佢開心所以從來唔會拒絕佢，但成日都係倒
唔再收埋自己， 做返正真嘅自己？
由細到大， 我都覺得我媽係一個。。。 唔係最衰嘅阿媽
好嘅一定無好份， 除咗打， 鬧， 情緒 勒索， 有錯唔認， 點都係你錯， 錯嘅唔會係我， 一定要拗贏場交之外，對你身邊識嘅人， 只有彈， 唔會讚， 狂踩我啲朋友，我細個亦都無比佢讚過， 其他都做到係一個阿媽會做， （病咗會帶睇醫生， 有飽飯食， 有新衫著， 有睇功課），到而家， 每日我都會聽到我哥同我媽講
你聽下人講啦， 嗯， 好孚合佢個性格， 不過以前會聽， 而家唔會
之後佢話因為有 蕃茄， 怕酸， 唔想飲
咁我都由佢
係， 佢食緊呢啲藥
有病， 我就要就佢
我有病個時， 佢都有要求我返工
兩次
好多人都話我媽好， 我都會講， 佢對外人好啫
（我仲想講， 我只係佢嘅出氣袋， 但講咗出黎又點呀
所以以後我都唔會點同人講， 你就幸福啦， blah blah blah, 啞子食黃蓮, 有苦自己知
2個讚
執就無， 抹就有， 尿呀， 洗地呀， 你見個慘樣， 唔會忍心唔理佢
我試過啦， 以前答佢唔知， 佢會鬧返我轉頭， 問我點解唔知， 我話我知嘅一早話你知， 我真係唔知點解，
佢就會話， 你無理由唔知架
我話你當我萬能， 咩都知架， 佢就話， 你仲駁咀， 有冇當過我係你阿媽
我就話， 咁我真係唔知呀嘛
如果我答， 我唔識， 都一樣， 都係要比佢鬧
點解你唔識？
吓， 唔識都要比人鬧？ 呢啲問日子真係好煩， 好攰， 成日都要問， 到我問返佢， 點解唔識， 到佢發皮氣， 對住佢， 每日都要答幾轉條問題， 預你一定要答到佢， 答唔到係你問題
你淨係開一日？ 佢係每日
出到廳仲凍過我係房
唔想飲就同佢講
佢知道會好傷心
佢唔會知，都唔同住
你調轉諗啦，佢可能都係想順你意啫
1個讚
其實係個種
咁多年， 睇清楚呢個女人係咩人
個種
本身100， 一直扣分， 扣分， 扣分
扣到負五十分， 負一萬分
就係因為佢係我阿媽， 所以我要對佢好？
不論佢以前點對我？
我想嘔
呢啲女人， 你好彩， 你生係你個年代
仲有人娶你， 你呢啲咁嘅性格， 咁無人性
呢個年代， 應該無人會理你， 因為你太仆街啦
送比鄰居飲， 考慮下
可能係啦， 不過比我見到
我做得出完全唔睬，你點鬧都冇我符
我覺得唔係咁，而係人老左個腦physically 都可能唔係幾function到，我講A佢講B,我解釋完佢又重覆好似聽唔明，總之就係溝通唔到。我媽見到呀婆咁，個陣都有話如果佢老左變怪左希望我同佢講番，同有怪莫怪。我媽一直都係好開明既呀媽，我仲心諗點會呀。
後黎到我媽而家都老喇，又真係變得長氣，固執，好似我仔女以前trouble 2咁，對住老人同對小朋友一樣都係要又呃又氹有時又鬧下
不過睇你其他留言，好似就算媽媽未老前佢對你都麻麻，關係唔係親密，咁老左而家更難頂都明。
1個讚
2我就成日做架啦。奶奶係咁問我飲唔飲，講咗唔飲都問，就唯有要，然後倒咗佢。
對我媽就唔會客氣，唔飲就唔飲，佢好唔開心，但我唔理
相見好同住難.
人大左就各有自己習慣, 好難同住
1個讚
不孤單，大部份上代父母招式
1個讚
我呀媽由30幾歲到而初50幾歲都係咁禾，我覺得係性格問題
有時覺得唔係老左個人先變、係個人一直係咁、只係我哋細個順攤又或者無奈接受、大左唔想再忍受
3個讚