兩母女前後腳確診、屋企得我同阿女兩個,我驚自己唔舒服照顧唔到佢係咪入營都係一個好嘅選擇
隔離營有冇自己嘅洗手間,唔該晒
兩個中曬唔駛入啦?
聽講有
但你哋兩個都確診,其實唔使入都得
呢幾日咁凍留喺屋企舒舒服服好過啦,唔想自己煮又可以叫外賣想食乜都得
尤其是近排咁多人中,隔離營人手唔夠,有咩事起上嚟要粒panadol都等成日㗎
我之前9月bb中咗,跟住我同老公都相繼中埋…都係留喺屋企自己隔離,叫親戚幫手買定d食物放門口,一係叫hktv/deliveroo
最緊要有傷風藥同退燒藥
連登有人話喺隔離營打電話拎藥,但留言信箱都爆埋,要等
睇吓自己屋企環境同隔離營環境邊個好啲,我就唔會想入。
係呀,我見fb d group都係咁講
樓主,入到去佢畀間房你有床有電視有廁所同埋提供三餐㗎咋,唔好諗住會有人照顧你,留喺屋企啦
樓主呢個情況
留喺屋企同阿女可以互相照顧會仲好
好唔該晒大家,我應該都係留喺屋企
竹篙灣應該有獨立洗手間,
其他地方就唔係好清楚,
係唔係現在只係你中咗,阿女已經好返晒?
如果阿女之前中咗,三個月內佢應該仲有抗體,
入到去又唔係有人照顧小朋友,咁入去做乜?
我上年入過竹篙灣,張床唔舒服,唔會想用佢D枕頭同被,沖涼地方細,熱水爐好難控制,有掃把自己打掃,無洗衣機,俾個盤你手洗底衫褲,無衣架無地方晾,唯一好係有三餐供應,同有部冷暖機。自己諗清楚究竟邊度舒服啲就住邊度。
阿囡早幾日中、我今日快測陽性。
但 係我喉嚨痛頭痛左幾日,唔知仲要痛幾多日,剛剛又肚痾。
你女幾多歲?聽日得返10度樓下,我會留係屋企,如果病情真係轉差就call白車啦
明早打電話去約 政府新冠肺炎診所 睇醫生 攞藥,
約咗診症時間,再打電話去預約 檢疫的士 接送你們去 診所,
睇完醫生,再約檢疫的士 送你回家。
這個病毒係會肚痾,你屋企有沒有「霍香正氣丸/水」?
阿囡確診時預約左明天睇醫生,我約到星期日遙距睇症。屋企冇你講那款藥
阿囡幾大?
13歲
你女中咗幾日,你剛剛中
佢唔會又俾你傳染嘅
我係你就留喺屋企喇
你女得13歲,話大唔大,話細唔細
你去咗隔離營邊個照顧佢
如果有親友可以幫忙買物資,留喺屋企好d
你照顧唔到佢,你入營都唔會無端端走個人出嚟照顧到佢架,結果咪一樣。
咁就緊係情願喺屋企,正常點都舒服同方便啲。其實可能佢好返先過你,佢都13喇,要學下照顧自己啦。