想喺度推廣下大家認識呢個病/困難，常見於幼童。
通常發現主因係老師反映小朋友喺學校完全唔講嘢，而家長都會留意度佢某啲社交場合會明顯緊張，例如會身體僵硬。但喺屋企係好正常講嘢的。
呢個病/情況嘅知識未係好普及，好多老師都唔知唔認識，通常老師只會叫家長叫小朋友返學要講嘢，但叫極都唔成功。
當然啦有啲意見會認為佢只係嚴重怕醜嘅一種，大大下就會好，唔洗上乜班。呢度純粹想比其他爸爸媽媽知道如果有類似病徵可以選擇搵人幫手。
如果你好想改善呢個問題，其實香港已經有啲培訓中心可以慢慢改善呢個問題，有人幫手會舒服啲，對家長同小朋友都係。
同埋私心想搵同病相憐嘅家長圍下爐 
Li類小朋友唔係老師俾愛心耐心同關心就解決得到，真係要專業人士幫忙先得
以前我仔讀幼稚園時，有個同學係咁，上堂完全唔講嘢，我仔同佢講嘢都無反應，有時活動大家打招呼，都係唔出聲。佢媽媽話佢喺屋企、同親友相處時係好正常咁講嘢，後來發現係不語症。
嗰時藝人張崇德、劉美娟嘅兒子都有呢個症，我先認識多啲啲。
多謝你介紹呢個term 俾我
一google 就有好多舊參考資料
個同學仔願意同人交流其實都係好好嘅一步嚟ga
個媽媽搵到個病名知道咩事其實已經好重要一步，我都係巧合之下先見到呢個病嘅資料，如果唔係而家可能我都struggle 緊，軟硬兼施用錯方法咁逼佢講嘢
家長願意去面對，同埋行出搵人幫手嘅一步真係好重要
其實我都隔咗一年先真係去therapy，因為唔係好願意接受小朋友係「有病」係sen。但後來覺得咪係說話訓練班其中一種，就說服自己去咗。
冇去therapy 嗰一年我都睇好多參考書參考科研文章，不斷了解個病，自己試吓書入面提及過嘅唔同方法，但始終唔得。一去therapy 第一個月已經有進展，所以好認同你話要專業人士幫忙先得。
雖然我頭先講我係當興趣班咁去，但我好信任治療師同都儘量配合佢地叫我做嘅嘢，始終俾咗錢（咩垃圾原因
）都想maximise 治療效果
請問有冇治療師推介？
肯配合係好事
最慘有啲家長唔接受小朋友有sen 需要，去搵專業人士，但又唔願聽專家意見，仲要覺得人哋唔專業
我係工作上都遇過這類型小朋友
感覺上疫情下更多小朋友患上
同感
喺中心都見到有類一言九頂嘅家長
導師喺房同小朋友（係其他sen）出嚟後，同照顧者講喺屋企可以做咩加強訓練，有啲會回應話「唔係呀佢喺屋企點點點好叻ga冇問題…」都feel 到個導師好無奈因為如果真係冇問題根本就唔洗嚟訓練…
其實我又好明白家長好難接受人哋對自己仔女嘅「批評」in terms of 可改進地方，本能上會否認先。但諗深啲你比得錢佢，佢嘅責任就係協助改善問題，而建議家居訓練方法都係你俾錢佢嘅範圍之一… 如果你令佢唔提出家居訓練方法咪好蝕…
結論係我係咪睇錢太重
表面係
，但其實暗地裡係你好想知道有咩方法幫個小朋友
睇資料係先天同後天因素都有影響
呢兩年疫情少咗出街，少咗社交機會，係會有影響。
疫情初期我都唔出街，小朋友更加係長期在家，呢方面我覺得都係其中一個因素嚟… 呢度我都懺悔下，其實導師建議我帶埋小朋友去超市同公園時試吓同人搭訕，但真係超越娘親我嘅能力範圍，有次戰戰兢兢地嘗試搭訕，但技巧太差所以我同小朋友都印象深刻 我小朋友話媽媽唔好去嗰個超市啦 結果我而家選擇每日放學後去超市，寧願蔭啲蔭啲但有持續性，keep 住俾佢有exposure，如果有人搭訕都會講兩句，日子有功都feel 到佢冇咁緊張 
係
為咗減輕佢開口嘅緊張，我買咗好多microphone 類型嘅玩具。爭在未買唱k 神器
其實處理協助呢種焦慮症狀都真係好多技巧，我試過有一次太進取，係咁叫佢講嘢啦講嘢啦，佢就好aware 跟住唔講… 
好彩擺埋個玩具一排後，佢唔記得咗之前嘅經驗，一齊玩返… 從此之後我都係只會以have fun 嘅心態去玩同做所有有關嘅訓練…
其實買microphone 類型玩具呢樣野我只係喺一篇文見過，唔知成效點，但我覺得有0.00000001 有用都係有用，希望n 管齊下可以幫佢克服…
少左接觸外界、搞到唔容易發覺問題、到有少少特徵見到又覺得：「佢少見人遮」、佢真係見到好有問題、父母又要時間接受、又拖左半年一年、結果錯過左治療黃金時間
真係睇錢重你唔會洗呢筆錢啦
唔洗錦緊張。我小朋友由k1開始就係返學唔講野好靜無反應，但係屋企就口不停仲成日發脾氣。如是者一直到小一後先慢慢改善，現在小四已經正常。
我唔鍾意d人錦早就把小朋友冠上什麼什麼病。只要不是身體上有問題，他可能只係需要多些時間才可以適應大人的世界。
係呀雖然係小「病」但我當時都真係要啲時間接受。只可以話越早接觸，越早比自己經歷嗰5 stages of acceptance （雖然有啲stages 會 loop），就越快可以去行動幫助小朋友，所以我先至出post 想普及呢件嘢。
了解係第一步，之後可以俾自己有個選擇去行動或唔行動。
最揼心就係有啲家長話唔知道呢樣野，如果早知就點點點。
好明呀
我小朋友當年發展遲緩、去做訓練
都有朋友話我label自己小朋友
我都費事解釋、自己知自己做乜就得
我明白你，我大女當年係言語遲緩，當年都係周圍唔同搵機構幫手。有時外人覺得呢啲唔係病，只係遲早都會講到，會話我哋蠢啦，label自己小朋友啦，又話點解人哋咁易賺錢就係多得啲咩都要快過人叻過人嘅阿媽。
但有經歷過就知，做媽咪唔會想因為自己唔上心而耽誤咗幫助到小朋友嘅黃金時間，呢啲時候其實除咗小朋友，父母都好需要由專業人士幫助下了解個問題，學習點去面對同幫助小朋友。多謝你無私分享！等有需要的人可以了解多啲🫶🏻
你個case係好彩或者問題唔嚴重，但有d真係有問題既小朋友要襯黃金時期醫治，否則大左好難train
我小朋友同你個case有少少唔同, 係SEN自閉, 喺學校一樣唔多出聲, 喺屋企就不停講嘢, 我地個言語治療師都話, 無論係語言遲緩/選擇性緘默都好, 及早面對及早治療對小朋友幫助好大, SEN唔可怕, 可怕的係明知小朋友SEN都唔處理, 咁樣真係會害咗小朋友, 黃金期過咗就過咗, 樓主肯主動面對, 支持, 共勉之 