我親戚個女在英國year 2唔合格要停學，返香港有咩選擇？
副學士、high dip 收嗎？有咩途徑？（迷惘中⋯)
一睇Year 2，我仲諗英國year 2都係6歲人仔，有考試架咩？
原來講大學。
香港肯收你都唔好讀呀，一嚟無咩工睇呢啲資歷，二來個女都唔係讀得書嘅料，無謂倒錢落海，出嚟返工好過啦。
用供佢讀書嘅錢讀啲專業資格好過。
15個讚
停學定踢出校？
會唔會叫個女勤力少少捱埋佢，攞個 3rd hon 都叫大學畢業吖
1個讚
我都同意。
個女睇嚟都唔係讀書嘅材料，係好彩屋企叫有個錢比佢去外國讀書；不如出嚟做幾年嘢，睇吓自己興趣晌邊，屋企有錢咪遲幾年先再睇吓讀咩。
4個讚
其實佢哋個女真係讀得吃力，加上個底打得唔好，勉強讀都係未必畢到業…
咁香港有咩專業D嘅認可可以讀？
1個讚
點解唔問吓個女興趣喺邊科，
依家啲細路好有自己個性，唔合心意，就無心機讀。
5個讚
應該收嘅
1個讚
成年人，唔洗幫佢諗。讀咩做咩唔緊要，教識佢為自己人生做決定，同背負相應嘅後果，過程比結果重要。
9個讚
你講得好啱
，我都係咁諗，我都要叫佢父母放手，俾返個責任個女
1個讚
認真答，如果返香港讀可以用non jupas 報，試下插返入去同科讀year 2.
唔合格可以係能力問題，亦可以係玩到心散左，又或者失戀。
我以前亦有同學係咁，尖子跟滿分入U, 中學考A level 太壓抑，大學玩到失控，大有人在。
讀到壓力大情緒失控，最後defer 一年休息又有。
如果佢想讀，又無需要放棄，收拾好心情再嚟過。
3個讚
了解佢點解讀唔到都好重要㗎
2個讚
多謝晒大家嘅意見
如同上面講，睇佢興趣專長啦。不過可以舉啲例。
護士，會計，地產，保險，IT（好多種證書，睇返工要用邊種）等等。不過如果唔鍾意讀書，可能未必有心機讀專業資格，所以一定要個女自己想讀。
如果未有特別方向，就返工先，試過幾份工，就知自己喜好。
2個讚
多口插嘴，香港護士人工比較高
英國護士人工好低,而且nhs 返工都忙（係冇香港咁癲）。 好多護士day off 要打多份工搵多錢
不過一定有工做
3個讚
香港asso主要都係for升學，競爭都好大同要好勤力爆gpa
hd就比較職業導向，化妝時裝個啲都有得讀，depends on佢興趣啦
利申asso過來人