請問bb而家10個月係唔係可以轉用學習褲？
因為而家換片，bb成日爬走咗，好難換
如果bb而家用大碼尿片有少少鬆，但中碼又有啲緊，學習褲應該買咩size?
大家有冇用過邊款比較冇咁易爆片或者漏？
1個讚
我仔9個月換片時開始係咁反身我就轉咗喇 
佢地一秒都唔等得 
如果你大碼有少少鬆好似買中碼好啲, 因為褲無得自己校鬆緊
可以買一包試吓先囉
我就直接買番佢著緊片ge 大碼, 用緊merries 無漏過呀
啱啱一歲
我地換咗褲仔好耐了
好似識轉身就轉咗褲仔無用片
買咗片片卷，要買4包先送貨
睇嚟都係出去買一包試下先
你呢隻卷可以任搭牌子同size架，可以揀一包中碼三包大碼咁
企得到識行可以換。
我好似係四個月開始用
佢係咁反身，唔用褲搞佢唔掂
Btw 你bb 加固OK嗎？增磅順利嗎？🫶🏻
褲買片大一個size，應該買大碼褲
PS: 我用 P Ichiban
佢加固食得都ok，但總係冇乜重又唔係好長肉
10個月睇落得8個月身型
1個讚
有需要咪用囉，無規定幾大先用得架，最緊要啱著啫。
我bb細時，出街就會用褲仔，因為佢係唔願瞓定定換片嘅b，所以一定係褲仔快快手。屋企可以慢慢搏鬥先用片
拎多啲唔同牌子samples試下size，我嗰時就係好似你咁情況，係兩個品牌間住用：
H牌 中碼 ＞ P牌中碼 ＞ H牌大碼 ＞ P牌大碼
我嗰時好多朋友用H牌會漏，但反而佢係好fit我小朋友，所以真係話唔埋。
肯唔肯食蛋白質，例如肉類，蛋嗰d?
同埋有冇落油？
輕磅BB(我個仔出世都算係) 盡量俾多啲肉佢食，因為蔬菜嗰啲食完就屙返出嚟
肉可以幫佢增加肌肉🫶🏻
點樣可以拎到samples？
冇落油呀……以為歲半前都唔落得
佢食魚肉多，之後就係雞肉同豬肉
蛋黃食過一次咋，仲未試食蛋白
佢通常食蕃茄、紅蘿蔔、菜、魚多
BB都需要油架，我六個月開始lunch / dinner 我都落1茶匙
同埋都可以幫助排便順利
好多人都買牛油果油俾BB
盡量俾多啲肉佢，我每餐飯比成半條三文魚柳佢
我以前為咗幫佢增磅，盡量俾咗肉佢食先，之後先到蔬菜，跟住飯
所以頭半碗飯全部都係肉多過飯
另外鵪鶉肉，雞肉同豬肉我都有俾
嗰陣我都係淨係蛋黃，煎蛋黃或者蒸水蛋黃
一日一隻
紅蘿蔔記住一個星期最多2份，因為裏面啲胡蘿蔔素好難消化會面黃
唔好怪我咁長氣，因為我B只係大你兩個月，又係輕磅，所以好明箇中辛苦
1個讚
唔會長氣呀，多謝你分享就真
我成日俾d長輩話湊到bb好奀，我都好苦惱……因為我b出世到而家都係長生線最後3個
即係你bb加固穩定之後，唔係將所有餸混埋咁煮飯仔，而係好似大人咁分開飯餸咁食？
我屋企煮餸用牛油果油，加個d得唔得，定要純正個d外國貨？
宜家仲有冇尿片會？入會拎，或者直接inbox問下啲尿片公司問有冇。
有時行街見到啲展銷攤檔，都可以問下啲姨姨有冇。
當然最簡單，同身邊啲媽媽交換下就最快手。
我冇入個d媽媽谷，唔知邊度搵媽媽谷入
我明呀，啱啱滿月嗰陣幾難聽嘅說話都聽過
但唔好氣餒啊，好多媽媽都係喺加固嗰陣幫BB追番體重你B肯食已經好叻，只要再食多啲肉類蛋白質就一定好快重
我而家都係照撈埋咁整，因為方便而佢又肯食不過佢好衰好似唔係好肯淨食白飯，唔知到時分開食佢肯唔肯
應該都得㗎，都係牛油果油，你睇吓個成份喺咪健康嘢
1個讚
如果你唔介意比bb食bb紫菜 加少少入白飯度或者做飯卷 通常bb都好鍾意食
我小朋友都係輕磅bb 呢一年為左幫佢增磅都做左好多功夫
1個讚
我比ff 有做紫菜飯卷，咁佢先肯食嚿飯