日前，一名樹仁大學畢業生在連登討論區以「樹仁畢業後廢咗幾年 畀老母捉咗去做清潔」為題發文，指自己失業半年後被母親逼迫轉行去做清潔。樓主工作一星期後發現，「做清潔仲輕鬆同埋好搵過餐飲，好多時上午做兩、三個鐘就收$400；下午去另一個地方做又收$300，平均一日都收$700」。
有網民回應稱「聽清潔姐姐講疫情前寫字樓清潔仲好搵，一日實做4粒鍾都有2皮幾 好多師奶去做」。更有人表示「做私樓豪宅仲好搵呀，有人試過執到surface laptop同幾千蚊外幣，仲有咩Chanel袋 仲要有野包住」，有時候亦有大利是收。有網民建議樓主自己創業，亦有人指「有經驗可以轉做科文（主管），仲可以入啲清潔公司做，都好pay 2K+」。
有網民非常尊敬樓主，直言「你係站喺前線同病毒細菌搏鬥嘅戰士，有幾多人因為你先可以安心咁生存落去」。不過也有網民建議樓主嘗試找其他行業，例如政府工或銀行工。