其實個小朋友咁細已經係最冇錢要洗，再大d真係要洗錢，搵8萬幾都話唔夠我睇佢點生活
去playhouse, 讀n 班，興趣班，去主題樂園，買玩具，約同學娛樂，個個星期同長老親戚朋友食飯，原因什麼都好，都實講得通格。
但問題在於樣樣都話要有齊，唔肯取捨，又想有多d錢剩，唯一辦法係努力揾多d錢囉。
9個讚
每個月都有“非經常性開支”，咪即係變左恆常開支囉。
Exactly啦，如果有無限收入梗係乜都得，但收入有限就要諗下邊d要cut，佢根本好多開支可以cut，一字嘅之曰要慳，搵幾多錢都好都要花得精明，否則你搵100萬一個月都係月月清，有人識慳搵3萬一個月都好富足
3個讚
個人開支太高。唔戒煙，但又呻無錢淨。
家庭開支方面，其實playhouse同主題樂園洗費最無謂。
1個讚
男人未必知價錢
香港消費真係好貴。
小朋友讀私校+工人， 嗰度一個月至少冇咗二萬蚊。
睇你點生活啦，係香港如果唔買奢侈品唔進行高消費活動，儲錢係好易，係英國只係應付日常開支，份糧都只係剛剛夠用，個分別就係呢度
1個讚
或者咁講，嚟到英國嘅香港人未搵得返香港個人工啫
呢面稅貴，但住屋成本又低返
2個讚
有啲人又話冇乜錢
又要樣樣都affordable luxury, 咁小數怕長計
食杯雪糕都要 Häagen-Dazs 堂食，呢樣幾百，果度千幾就冇架啦
2個讚
搵得返都交左稅啦，住屋真心唔覺平好多，租都升左勁多，1000鎊係大城市都租唔到d咩好野，但水電日用品車費就貴好多，但呢d又一定要用，係超市買野平少少，如果中意去下waitrose可能都同香港差唔多
所以如果齋講搵錢儲錢，香港係冇得輸
2個讚
咁當然係香港搵錢無得輸
住屋係計買，租樓其實比香港仲唔抵
去Waitrose= 去citysuper 好在我香港都係百佳惠康
講真要好精緻嘅生活，真係香港無得輸
當搵到錢咁計
如果講買屋，英國個負擔唔比香港細，雖然屋價平過香港表面上，但要計埋人工比例按揭成數，其實難過香港，都未計筆首期係幾咁難儲，當然係香港搵左幾十年錢賣左香港間屋過來買就一定覺得英國屋係平嘅
唔好話英國，加拿大都係難，我親戚係加拿大都話好難上車，新屋又越起越細，通脹又係10幾10幾咁加上去，所以比起英國加拿大，香港搵到8萬幾真係算好富裕，只要識精打細算，1年去返4次日本都仲得
其實係，我哋呢批都係賺左香港嘅紅利過嚟嘅
不過只單睇租金同樓價嘅比例，租係貴
呢面£300k 租到£1300
香港300萬嘅樓，租唔到萬三
如果賺8萬，過住最窮最慳個種生活，咁就梗係可以儲到好多錢喇。
想儲到錢，就係生活要比自己收入再down一個grade，中產過番中產既生活其實都係冇錢淨。
但俾心機番工賺錢，其實就係想改善生活姐。所以平衡下每月都要儲d，但太慳守住d 錢我又覺得有d 無謂。
4個讚
有d 人人工先得二萬零咋，每個月儲到2千5都好開心。
1個讚
咁就唔好呻冇錢淨，其實佢繼續咁生活係冇問題，都仲未入不敷支，中產收入過中產生活但就唔好怨點解銀行戶口冇錢，所有野有得有失，好公平
3個讚
咪係囉…買個手袋都成個月人工咁…
1個讚
睇你點使啦，其實8萬吾係好多錢，又要住，又養小朋友，工人。佢又冇講日用消費品幾錢，平時老婆點使錢又唔知。飲杯coffee latte 都$40 啦，做次facial 又$1000 ，洗頭水護髮素沐浴露用cheap 野同貴野都爭好多。
2個讚
我都覺得生活迫人，尤其現時既環境更想儲下錢
好彩小朋友都無嘈要去樂園、酒店
通常放假會約唔同朋友去唔同公園玩
小朋友都好開心
唔會買玩具，但上網都好多人送出玩具
都會叫小朋友自己整玩具
有朋友送好多衫，盡量上網先搵二手先
連電話上網都轉左plan
會買二手書
自己教phonics
我地搵六萬多，但要儲錢，就真係好似好窮咁
3個讚