該名港爸在香港討論區以「兩公婆搵8萬，但月月清，無儲備，正常嗎？」為題發文，指他們是一家四口的家庭，除了自己與太太以外，還有一名嬰兒及一名外傭。他指，自己的月薪為4.3萬，當中的1.5萬元為給予太太的家用，包括聘請外傭的費用、租金、水電煤及購買日用品等開支，「唔夠就由老婆負責」。其他開支則包括「老家」費用、銀行貸款等，自己的支出則為1萬元，包括買香煙等的個人消費為3000元、電話費等雜費為3000元、飲食開支為2500元，以及「星期六日屋企洗費約5千，淨低嘅留嚟交稅。」
至於太太的月薪則為3.8萬元，只知她為嬰兒購買每月2000元的儲蓄保險，「其他無權過問老婆如何洗費，所以唔知洗費詳情，只知老婆都係月月清」。港爸指，「點解知月月清？因為bb要讀n班，老婆冇錢畀，老公要負責埋每月約3000嘅學費」。港爸在帖文中詢問其他網民「呢頭家健康嗎？」
相關帖文隨即引起熱議，不少人直言相關情況並不健康，又指「1份糧4個人洗，你話呢？」、「你嘅支出極不正常，建議你份loan儘快還清，自己的洗費減一半」、「我一個人月入8萬，都有四萬蚊剩，我都有個小朋友讀幼稚園要畀考車費同學費，不過你一個月洗1萬蚊用咗去邊」、「唔正常，要同你老婆坐低慢慢傾」等。
部分人則認為相關情況沒有問題，並指「依家啲物價，月月清正常」、「好正常，你算係用得實際，物價太貴啦，生活唔到」、「我搵十萬個個月都清！你哋好正常」、「現今家庭正常」等。有人則關注樓主太太的開支，並指「呢個家你老婆無份，佢啲錢到底去咗邊，祝你好運」、「你老婆……啲錢……」、「每個星期六日都洗五千，好大洗，老婆啲錢唔知去咗邊，標題就應該改為『月入四萬月光族』」等。
[quote=“hellobaby, post:1, topic:68861”]
當中的1.5萬元為給予太太的家用，包括聘請外傭的費用、租金、水電煤及購買日用品等開支
[/quote]15K可能只夠交租，太太要負責家傭/ 水電煤/ 米糧，每月都要10K+
1個讚
觀察下老婆同bb著嘅用嘅食嘅
唔問都估到錢大概去左邊
係囉，我睇到15k 包埋租金？！租金幾多先？公屋？
私樓的話，15k應該只夠比租吧？
只計工人人工都沒左5千一個月啦，仲未計每日食的， 仲有燈油火蠟，樣樣都係錢。
老婆基本都要比自己午餐同交通費。
5個讚
43K(人工) - 15K(家用) - 10K(自己洗費) - 5K(屋企消費) - 3K(N班學費) = 10K
仲有10K去左邊?
1個讚
仲有長老家用呢?
「點解知月月清？因為bb要讀n班，老婆冇錢畀，老公要負責埋每月約3000嘅學費」
佢老婆唔俾學費同佢唔知老婆啲錢去左邊姐, 唔等如月月清嘅。佢俾萬5包埋水電煤加租金, 唔夠老婆俾。佢自己唔洗係屋企食, 老婆BB工人都要, 買餸錢至少一星期600啦。佢自己要俾錢長老, 老婆可能都要, 一句唔知錢點洗, 就講到老婆好似冇俾錢屋企咁。可能佢又儲蓄呢, 老公儲左1K都當係"洗費"啦。
BTW, 3千蚊半日N班都仲要問佢 
唔怪佢唔知啲錢去左邊
2個讚
好多香港人都係咁，搵得多又如何？ 最主要問題係無控制開支
1個讚
“星期六日屋企洗費約5千” 這是什麼意思？每個月4個星期六日共洗5千？
如果係就要減下，例如唔好個個星期六日都出街玩，或只出去3-4小時，減少係出面用餐或唔好去錦遠減少搭的士。
老公個人每月洗3千，覺得太多，其他開支都尚正常。
另外bb 唔計n 班學費，其他野唔洗買貴或新。過來人經驗，小朋友已經兩歲，除了奶粉尿，其他野例如bb 車玩具書本衫褲等，可以用二手。已經返緊n 班的話，其他要每月比錢的興趣班或playgoup我唔會報囉。甚至已經有工人就n 班都不用報，讀學劵幼稚園，然後比錢只學某d對考小學有幫助的，例如英文班等。
佢真係當萬五好多?? 有小朋友和外傭, 租都要一萬起跳…
租和工人個萬五都無晒, 水電媒有工人和小朋友特別用得多.
仲有日用品, BB 奶粉尿片唔使錢呢兩樣都好唔平, 工人和老
婆唔使食飯… <<< 其實呢啲好多嘢都係無形支出, 老婆又
使唔使家用娘家呢?? 佢又無提, 其實可能老婆洗費地都可能
和老公差不多… 講真要攞出黎計… 可能個老公要比多啲家用…
6個讚
條數唔岩喎… 4萬三入面比萬五老婆者係仲有2萬8 佢列出黎呢到得萬8之麻… 仲有一萬去左邊??
就算唔知老婆D錢用左去邊(其實租可能都萬幾,姐姐比5千其他買送果D…大概都有數得計)… 應該自己每個月有一萬一千留低嫁…
你好犀厲，可以月儲2.5萬
。
我覺要想有錢淨，首先要比個目標儲幾多錢，然後將不必要嘅開支啦減返低，先儲到錢。
明白，我誤會左。但25000唔係一個值得開心嘅數目
2個讚
每月儲到25000好厲害了。
小朋友興趣班+周末每月要洗10000，夾埋都幾多。
都已經好過好多人 
你一家四口仲有工人同貓
又供養父母
仲有呢個數做儲蓄
真係唔容易
2個讚
和你都有些似，巳有三年冇去主題公園。大人少買衫，小朋友的衫有部份來自堂哥哥。課外活動報NGO, 價錢幾抵，如$60多元一堂跆拳道。不過，學樂器就貴了⋯⋯
興趣班的迷思可能要到中學先會醒覺。我身邊朋友親戚的細路幼稚園小學學幾多樣嘢都好，去到中學仲會自己keep 到的都係得一樣，更多中學生係什麼都不再學。keep到的都係變成“真興趣”，意思係按自己鍾意時先玩下。不過能培養小朋友keep到一樣真興趣，父母已經好成功了。
每月有錢剩都好好架啦，人工將來會繼續增長架嘛。
嘩 見到咁，搵8萬一家人仲要慳慳地同唔夠洗，睇到都唔敢生…
有朋友2人+bb來緊上N班，搵4萬都還可以
