該名業主在Facebook群組「自己物業自己放，租買免佣」發文，放租港鐵南昌站上蓋物業匯璽一個中高層開放式單位，實用面積272呎，並設有露台，月租1.6萬元包管理費及地租差响。單位內有雙人床及桌椅等傢俬，以及雪櫃冷氣、浴室抽濕暖風機、洗乾衣機、微波蒸焗爐等家電，以及入牆櫃等。從其上傳的照片可見，雙人床放在窗戶旁邊，在床邊則有廚櫃、煮食爐、鋅盤及焗爐等，而床尾附近則放有一張桌子。
關帖文隨即引起熱議，不少人直言單位的設計奇怪，並批評「有270呎都整到床近廚房，講出嚟都冇人信」、「得個廁所實用，衣櫃、電腦台都冇地方擺，16k租真係癲」、「冇儲物空間」、「點解張床要放喺個開放式廚房隔離，搞到成間屋好似劏房咁？」、「買嘅可憐，賣嘅可恥」、「個枕頭離個灶頭有無5呎？」、「愈睇啲盤愈覺得香港人好慘」等。有人則直言「住月租酒店好啲」、「16K 可以租酒店，仲唔洗自己打掃，雖然知道供樓辛苦，但係將心比己，自己會畀呢個錢租深水埗豪宅嗎？」等。另有人則留言嘲諷「尺租近60，傳說中嘅薄肉厚切烹調方法」、「劏劏下魚條魚撻上床」、「納米豪宅？」等。
租酒店仲包水電上網
納米樓預不開火
用呢個 budget 去 Manchester 住更有尊嚴。
呢個例子好似極端咗少少，其實 272 呎未細到要咁放吖，再唔係加個屏風都好好多。
另一角度睇，南昌站搭多 18 分鐘已經去到元朗，萬六蚊都租到西鐵站上蓋兩房單位，無錢嘅話點解要住死市區…
自住唔驚
長遠一定升
大把大陸人黎買
跌10%大把人接
2年前d好友唔見晒
張相影得好差，室內設計嗰個仲差
272好靚好闊落都見過，佢整得差
點解唔租酒店。。。。
我記得兩年前睇過這樓盆幾個單位，
其中深刻印象，一房一廳單位，高層山景，一千萬，管理費二千幾。
我覺得南昌都唔算好市區
深水埗／長沙灣都唔算市區？
係啲人一定要痴住黨鐵住就以為方便
南昌站得一個字：風，對生活一啲都唔方便
我記得有朋友2020時租一房一廳先16500
非常同意
南昌咪又係靠附近公居屋街市
地點都算既,但感覺上只係元朗出D,租金就唔值市區價
你睇地圖先啦！
一定唔係元朗出D，
估計距離都應該有成10公里遠，
唔好見地鐵只係幾個站就以為好近，
（錦上路、荃灣西、美孚），
元朗坐的士去南昌，都要百幾蚊。
我咪講明係"感覺上"唔似市區囉 
你覺佢係市區咪OK
收入水平唔同嘅
該主題在最後一個回覆創建後90天后自動關閉。不再允許新的回覆。