而家知咩叫做「個心好似穿左個窿」咁，同埋男人真係用下半身思考
事發已幾個月，我真係唔知點做好同做邊樣先好，我個情況係：我係全職媽媽，冇咩積蓄，有2個女，其中一個殘障需坐輪椅同要全天候照顧。
而家係，我唔想再同另一半一間屋（係公屋，老爺戶主，但唔同住，老爺輪流去幾個仔女到住，通常半年先返我哋度小住）另一半唔肯搬走，話冇多餘錢搬，日日朝7晚11，放工同人食飯行街先返，我同單親冇分別，個個星期有一兩日更加唔返屋企，我真係好傷心，趁小朋友返學，喊到死咁滯，係佢哋面前又要扮冇嘢。另一半話會同我離婚，但要我去搞
究竟我去做離婚手續先好，定自己搵屋搬先，定安置好有需要位小朋友入宿舍先再去搵工好？
好老實，你宜家錢又無，屋又無。第一時間去搵社工傾，幫你申請公屋先，另外傷殘個女有冇得入院舍，你仲有個細女，邊個湊？有冇辦法去搵part time, 你個死佬同你離婚，會唔會養你一家幾口？你要諗掂呢啲先，再諗下一步點行。
呢啲嘢,搵專業人士,佢地見過好多個案,會比周圍問人更可信
希望幫到你
雖然你唔想再對住另一半，但而家環境，確實好難離婚，反正佢朝七晚十一先出現，分房訓可唔可行？起碼佢繼續俾錢照顧你三母女。
當然另一方面，繼續搵院舍，搵社工幫手，同埋公屋有冇你地名？無的話可唔可以去排公屋？
多謝你回覆
傷殘女女可以入院舍，不過要等。
另外個女已高中，問過佢話唔想同我一齊搬，可以安排佢去公公婆婆度食飯之後自己返屋企。
我就怕隻佬唔比錢先想搵工，Part time 都搵過，係咪年紀大咗真係難搵工？寫字樓工去到包裝工人侍應都搵過但唔請
多謝你回覆我一陣睇睇
已分開瞓，佢而家瞓梳化，我怕佢突然唔再比錢
公屋有我哋名，不過我都會去房處問下可唔可以排
係咪安排咗女女入院舍先？因為呢樣係同你離唔離婚無關係，就算唔離都可以攪？
女女入咗院舍你就多啲時間做要做嘅事，揾社工，揾工，揾屋之類
樓主唔知點安慰你, 但我覺得你暫時一切如常, 直至你搵到後路先離婚
都啱嘅～ 不過要排，一時三刻未必可以入住
多謝你回覆
其實我都谷咗好耐，因為冇人可以傾訴
自己老友大多已移民，父母兄弟姊妹又唔想佢哋擔心，對住個女我更加唔知點開口
如果你小朋友有特殊需要你可以同社工講情況, 分戶應該會快D
離婚如果都係你所願你要考慮埋你之後係拎綜緩/搵工? 有時唔係想益左個男人, 但你如果有MAINTENANCE會喺綜緩度扣, 如果佢唔係比得爽手/比得足, 不如申請綜緩好過
你要問自己你底線係咩? 你如果只要仔女咁就不妨申請法援, 搵社工跟進
咁你更加要搵左後路先走，起碼有咩事，仲有公屋可以住
你比咗啲方向我去好好思考，多謝你
其實之前完全冇考慮過綜援，不過你咁講，我真係要好好諗下
係呀～ 依家叫有啲方向，多謝你
綜援比真香港人有需要時候用幾時都好過比新移民, 如果你之前無諗過證明你都係忠實嘅人, 快D搵社工傾傾, 捱到個女出身你就安樂啦~ 初步睇如果你合資格都可以申請到萬鬆嘅綜援 https://www.swd.gov.hk/tc/index/site_pubsvc/page_socsecu/sub_socialsecurity/
仲有申請法援你都可以諗諗, 對方有幾厚身家?
萬鬆啲咁多錢？多過我隻佬比我嗰份
以我所知佢應該有5-60萬，不過全部都係股票，冇咩現金
當佢死咗，唔好理佢。唔好比佢影響你心情，加油，好好生活，好好照顧女兒
搵社工跟進，你情況有大需要，肯定有專人幫到你
唔好茂然出走，公屋有你名
好多謝你安慰
我跟佢都廿幾年，完全冇諗過會咁樣，所以初初發生時我真係日喊夜喊，有想過話原諒佢當冇事發生，但又過唔到自己，同埋佢啲態度都唔多好
人生睇長遠，而家佢風流，老咗佢會孤身一人，咁對妻女一定有報應
你捱大兩個女，佢哋會感受到，會孝順你，一切都值得