上星期日, 我同2個仔決定去旺角 食個quick lunch 然後各自各做自己既事~ 補習既補習, 按摩既按摩, 買野既買野…
好衰唔衰, 我地早左少少到旺角, 11點~ 我都知道太早, 咁就上一上OPEN RICE 睇睇我地想食果間拉麵既開門時間, 咁係寫左11:30開始營業.
我又行去門口睇下啦~ 當時佢地拉左半閘, 可以彎到身入去果種.
我響門口睇左一陣, 無貼到營業時間既.
咁, 等一陣啦~ 等到11:35 左右仲未有動靜… 我就入左去問下其實係幾點開門, 我想預返D 時間…唔想下一場遲到.
我企響門口發問, 都見到佢地準備中. “唔好意思, 請問你地幾點開門?”
第1眼見到既係一位年輕既後生女, 佢馬上擺出一副厭世既樣, 昂起頭閉上眼滿臉不滿, 口UPUP, 又摟身摟勢. 但都無答我幾點開門… 我就DEAD AIR 咁企左響到… 連我都唔知應該比咩反應…
其實你可以趕我走既… 但都要同我講野架…
然後有一個中年男人好有禮貌地行出黎同我講, “我地係12點開門, 而家準備中, 唔好意思”
馬上明白晒, 我都講唔好意思, 然後離開. 但我腦海已經充滿果位女生既樣子同反應… 結果我食第2間拉麵, 反正旺角選擇多的是~
其實, 因為覺得你地間店既麵都好食所以先會專登黎食, 你地唔想被騷擾我都好明白, 我都唔想咁樣中入黎… 其實你地不如先改一下OPEN RICE 既資料先, 然後都建議你地響門口貼返個營業時間, 咁咪唔會有誤會囉… 亦唔會再有人好似我咁膽粗粗騷擾你地…
anyway, 打從心底想講真係唔好意思~ 我都知, 我騷擾到你地…
但應該唔會再黎~
