小二去左理大驗眼，120度加散光50度，視光師話佢可帶可唔帶，跟住就講有乜可以幫助減慢近視，有個控制近視鏡片好似普通眼鏡咁帶，仲有隱形鏡同眼藥水之類
因為高，坐到最後排，黑板都係唔多清，應該都要帶眼鏡架喇，當時無買到。想問下，個控制近視鏡片係咪真有用? 普通眼鏡鋪都有架喇?
除咗鏡片之外，重有好多其他因素影響，但我攣用緊，2年多，度數無加過
我地選擇用眼藥水 有效 臨瞓滴一次都好方便
不過小朋友一開始有啲抗拒 後來習慣咗
因為矯視眼鏡比較貴
普通眼鏡可以幾個月爛一副 密密咁配真係好唔掂
Myosmart, 矯視眼鏡，佢一面世我就幫囡配，有用，之前1年加百幾度,用左就加50度，另一個小朋友就一開始近視就配，一年加25度，視光師話好多人都有好效果，眼鏡係貴，如果有效，可以2-3年先換眼鏡，呢個比眼藥水和ok鏡安全，唔掂最多係size 錢，另外兩個，我就擔心會影響眼睛
2個讚
建議眼藥水，因為佢個藥性濃度係非常非常之低，即係非常非常非常之安全
但因為呢個發現唔係好耐(即係用超超低濃度藥水都可以好好控制度數)， 其他鏡片開發銷售一早投入曬錢一定繼續賣
我大女都有近視，開頭視光師無建議過要用控制鏡片，戴住普通眼鏡半年後再深多一百度
樓上都分享咗好多唔同意見，樓主有時間真係要帶小朋友跟進返，佢哋呢個年紀好易喺好短時間內加深好多㗎
咁相對有咩副作用都係未知？
理大竟然叫樓主小朋友唔駛戴都得?
我小朋友小二時，有日同我講望黑板懞懞地，我即帶佢去驗，當時應該只係好輕微一邊散光一邊近視，各75度。最後配咗Miyosmart，而家中一只係去到各100左右。
我會比較緊張，因為我成600度，到中學時深得好快，所以盡量保護佢嗰對眼先。
唔係，因為其實視光師一路都有用呢隻藥水(香港視光師 只係可以 administor 兩隻定三隻(麻痺劑)”藥(水)”，詳細可以去香港視光師協會個網度睇)，好耐歷史。不過係前幾年有個 study 發現原來用呢隻藥水溝稀唔知幾多百倍定千倍，每晚滴一滴，一樣有好好控制效果。科學就係咁，一步一步嚟
請問眼藥水。。有無話最大幾多歲無效呢
詳情你要自己問視光師。我個人認為應該就冇嘅
藥水，視光師話要不停滴到16定18歲先停得，當然中途一兩日斷左都無問題，長時間停就會無用。好處係可以不停咁改變劑量，會較方便。
其實都諗住帶眼鏡，只係我一啲近視都無，當初講左驗完返屋企俾老婆跟進。我老婆係近視散光勁到唔會有現貨買，一定要眼鏡鋪同工廠專登訂做。但佢只聽過訓覺帶隱形眼鏡，第一次聽呢種鏡片，唔知係隨街買到定要去黎理大。
已經搵左個timer俾小朋友計時唔好睇書睇得耐，希望唔會加深啦
該主題在最後一個回覆創建後90天后自動關閉。不再允許新的回覆。