自從生完bb之後，行房就好唔順暢
明明以前都唔係咁
外陰有時會痕，有時又會有刺痛感
小便有時都會痕同痛
行房老公入去既時候，陰道口都好痛，但入面又唔痛，外陰個種痛會有灼熱感又會刺痛，甚至令我驚左行房
我意識到可能係外陰問題
上網search到發現’外陰前庭炎’同我徵狀好似
呢個病，台灣研究比較多，都有醫生睇
想問有無sis有係香港睇過呢個病？
p.s 睇醫生都係話尿道炎，念珠菌，但情況無改善到
會唔會去睇多個婦科?
如果發炎，塞藥或者食完抗生素都唔好?
或者叫醫生開D藥膏搽吓發炎位置
生BB係咪順產呀？開可能縫合傷口整得唔好引發問題
你去睇婦科啦（我之前去返產檢個醫生佢都睇婦科）
有冇用開潔膚液？
如果有，試下停用，只用清水，睇有冇改善
有冇用護墊？可能敏感
有冇損？可以每次vv後塗花士令
揀個時間無人打擾你，自己訓上床，擘大對腳，用塊鏡仔慢慢照下外陰有冇紅腫、好多分泌或者其他異常，睇埋分泌咩顏色咩味道
上網估唔到你咩事，不過好多時醫生檢查無你自己睇得咁詳細，你自己留意住有咩症狀先識得形容俾醫生聽你咩事唔舒服
我自己平時下面有咩唔舒服，周不時都會咁樣檢查下，跟住搵樓下醫生形容下已經羅到藥同藥膏，有時甚至唔使除褲俾佢睇
我本身做院舍，婦科病多數來來去去果幾味，真係嚴重先去俾婦科睇
睇你情況，似似地係傷口埋口唔靚或者陰道炎果類，要檢查完先知
2個讚
我覺得不如講個情況俾醫生知，再直接問醫生會否係依個病，始終網友就算答到你係，你最終都係要睇醫生(何況大家都唔識醫)。
該主題在最後一個回覆創建後90天后自動關閉。不再允許新的回覆。