天星小輪擬加價一倍 周六日及假期成人票最高8.4元

天星小輪提出加價申請,兩條專營航線每程的票價加1.8元至4.2元,加幅達一倍,並申請改以2元長者優惠票價,取代長者免費乘船優惠。月票就由160元加至320元。

根據政府提交立法會的文件,中環至尖沙咀航線,星期一至五成人票價最高加至6.4元;星期六、日及公眾假期則加至最高8.4元,是現時票價的一倍。小童方面,星期一至五的票價最高加至3.8元,星期六、日及公眾假期就加至最高5元。合資格長者及殘疾人士票價劃一2元。

灣仔至尖沙咀航線方面,成人票價在星期一至五加至6.4元,小童加至3.8元;星期六、日及公眾假期成人票價加至8.4元,小童加至5元,合資格長者及殘疾人士票價劃一2元。

當局表示,天星小輪近年的財務狀況每況愈下,由2018年開始錄得虧損,在去年共虧蝕超過3700萬元,累計虧損已超越其總資產,又指受乘客量下跌、非票務收入不穩、營運成本上升及新冠疫情的共同打擊,天星小輪的財務狀況嚴峻,並正倚靠債務來維持專營航線的服務,急需調整票價以改善財務可行性。

不過,政府亦指出,天星小輪今次申請的加幅不低,政府會考慮公眾對建議票價的接受程度等不同因素,作出適當平衡。政府會諮詢立法會交通事務委員會及交諮會,然後向行政會議提交建議,新收費須通過立法會以「先訂立後審議」的程序確立。

都要既,年年蝕錢
一陣真係做唔掂冇左咁有代表性既小輪就死

以前我放工唔趕時間都會坐
困住office一日,吹下海風,好舒服
心曠神怡

12個讚

:smiling_face_with_tear:係尖沙咀返屋企方便啲呀:pleading_face:

1個讚

小輪同電車係唯二兩種加價而我會贊成, 相信大部份香港人都係咁諗

8個讚

同意。仍然會支持

加一倍都係$4.2🥹

好多已經離開咗香港嘅朋友,都好掛住天星小輪。

我自己就少搭,不過都好鍾意。

有車船津貼都補唔返

支持加
本來真係太平
搵唔到成本好難搞

幾乎每次三號風球將近八號風球時, 必搭.
很想感受 “Roaring Forties”, “Furious Fifties”, “Screaming Sixties”, 不過無錢去旅行就暫時感受維港

1個讚

加一倍都平過黨鐵,當佢主題公園玩一次坐船都唔只呢個價。

天星小輪,母公司係九倉集團,海運大廈/海港城淨租金都夠曬養起佢。

要保留,真係對香港好重要

該主題在最後一個回覆創建後90天后自動關閉。不再允許新的回覆。