我離開後想話遲下返香港都被人話我藍，我都唔知藍喺邊
可能佢覺得返香港=搵錢啩
咁我夠可以話留英=貪生怕死？
真係任佢講
我係掉返轉，朋友成日問我搭唔搭單買mic 嘢，我就話mic 唔買，我又唔會阻止佢買嘅，但佢就成日反問有咩唔係mic 㗎？講到我好似好執著咁。
其實無我咪唔食囉，我衰到連某國人開嘅超市、酒樓都唔鬼去，過唔到自己嗰關。
佢又成日話好掛住邊間藍店d 嘢食，咁就知大家點界線唔同，仲想有朋友做咪當佢耳邊風，反正佢介紹完又唔會去食。
不過網上見到有人講就溫馨提示一下，真係未必個個知黃定藍。
4個讚
我覺得咁就夠㗎啦，唔洗同佢地交代，自己對自己有要求就得
2個讚
Same, 仲試過比個自稱黃嘅人諷刺我邊避到咁多。
係避唔晒，但有得揀都會買NMIC, 而事實上又唔係咁難，咁亦變咗我生活態度。總之口講幾黃係冇用嘅，盡做先最實際。
4個讚
如果你直接講，唔希望小朋友「被限制選擇失去樂趣」，咁我相信大家起碼可以理解，每個人有自己可以做到嘅範圍。
但係至於話「唔需要做」，呢個就無咁容易被理解（但係我地都唔會覺得咩，都係自己選擇），因為有好多小朋友比「無得食藍」付出更多。
至於我地做唔做到，其實肯定有嘢做唔到，例如地鐵都好多人唔會做到。但係做唔到，唔代表唔需要做，只係在自己範圍盡力，對得住自己就得，唔需要同其他人交代。
上面係覺得你話「黃藍呢D On9嘢」，聽落有D唔係好適合，不過相信你On 9唔係指「低能」，而係指「麻煩」，所以就唔糾結呢句說話，希望大家都唔好糾結啦
PS：未見過有證據唐記全線藍（個別分店only），所以你可以唔需要「除左」
4個讚
「黃藍呢D on9嘢」其實你都講到咁
得,我講錯野,sorry…
我唔係咁既意思,只係平時講慣左粗口
1個讚
多謝你幫我解譯,我大概係咁既意思啦。
至於我話on9, 其實唔係解低能亦唔係麻煩,只係一個助語詞,無意思架… 可以直接柵除佢, 變成"黃藍呢d野"…
唔通地盤佬開口埋口講屌你老母真係屌你老母咩…
"鬥黃"其實無問題
否定別人是黃才是問題所在
非你心中所屬的黃 不等於我就是藍
打開電腦調色板 最少都幾十種黃色 你選中的黃色才算是真黃?? Why?
啱傾咪… 傾多兩句
fan底既咪… ok ok 你高級黃 我比你低級
都係傾唔到既… 係咁先嗱 有緣再聚
1個讚
戴返個
覆樓主先～
樓主你開錯po 啦，哩度都係鬥黃熱門地
我都俾識咗超過廿年朋友鬧我唔移民，佢覺得我應該要離婚帶兩個仔女離開，我夠想走啦，但做唔到為移民離婚，佢都鬧咗好多好難聽嘅嘢㗎，咁我又覺得，我做人做每一件事本身都唔需要得佢認同，所以唔會理佢囉，佢一直有追愛回家或cctvb啲垃圾節目，我都唔會用呢樣話返佢，多數叫佢搵其他人討論啦，真心對呢啲無興趣
生活係自己嘅，做嘅對得住自己價值觀就最好，大家都係盡做，但幾盡先夠盡？呢啲冇人答到㗎，我只希望有啲明知係唔好嘅唔好大大聲聲講有做仲要講到自己無問題，見親呢啲真係好眼冤
4個讚
唔好咁講，我好多時都太武斷㗎，一見呢啲會著總之大家盡做啦
首先同意樓主，唔應該鬥黃啦。下面係科學學術討論。
幫襯黃店目的，我分為「幫同路人」和「消耗中國」兩個。有啲人側重前者，有啲著重後者，無分對錯，大家各自爬山。
大家成日話「儘力就得」，我自己有個咁嘅準則，就係「對對家傷害大過對自己傷害」，咁樣先可以達到上述兩個目的。
一）例如買一件mic貨，價錢平nmic十倍。先計下對自己傷害。對有錢人嚟講，十倍都唔係好貴，對生活影響唔大，咁好應該買。對窮人嚟講，十倍關係到自己開飯，俾咗十倍nmic，佢就少咗本錢去幫同路人。
然後講下對對家傷害。mic產品，流水作業嘅耐用品，買多買少一件對中國影響不大。不過會過期嘅產品，例如食物，去貨少一件損失會大啲。
二）又例如前線無咩錢，美心就腳又平，附近無咩黃店。咁佢食個美心方便自己，等佢有餘力做實際嘢，又係ok。
三）點樣計對自己傷害和對家傷害，人人價值觀唔同 ，資訊唔同，無一定準則。例如有人覺得黃店開喺邊間地產商都要計，有人又覺得M記其實美國企業唔洗咁緊，呢啲都可以討論，但唔需要同人交待。只要你有認真考慮過，唔係「是旦啦，我鍾意就食，無諗黃藍」，咁就ok
14個讚
人哋做唔代表要學
美心元氣360 ，有代替品
1個讚
我有冇試過好似你咁諗喎，參考吓先
呢個唔算鬥黃
美心富臨係頭號禁食嘅
咁多代表品又仲要去食，比人話唔黃應該甘心啦
美心快餐尚可接受
元氣 Starbucks 真係唔係平，亦唔係必要性囉
2個讚
佢覺得睇演唱會好重要嘅，go ahead 囉
exactly,
我不嬲都話你食乜係你自由, 食完咪算囉, 做乜高調上個黃forum話自己食,
幫襯左阿布泰都唔會上baby condom大大聲講啦,
死因唔係黃藍, 而係純粹蠢, 所以比人話, 抵啦
6個讚
喺香港食肆臨立, 有大把黃店綠店選擇. 如果你仲主動去食美心(元氣, starbuck etc), M記(金拱門)尼D眾所週知既藍店, 我絕對會睇你唔起, 無論你係前中後線都好.
1個讚