近日看到有關欠交功課的文章, 我情有起伏。
講一講我背景, 我和我先生都要返工, 所以下午小朋友會去補習社做功課溫書, 補習社講明小學生主要教英數, 抄詞語更加不會在補習社做, 所以等我們回家後, 就要再教小朋友未做完的功課
因為我仔有讀寫問題, 所以做功課很慢, 有時做完功課都無時間再溫默書 (其實我仔做功課抄詞語, 只是搬字過紙, 反而不停和他試默, 唔識再睇, 對他更有幫助)
我老公有時都會話做功課無用, 學唔到野, 但很感恩, 他仍會用心教小朋友完成功課
在我而言, 完成功課是小朋友的責任, 不是想唔做就唔做, 而且欠交太多功課, 警告信, 缺點, 小過… 一定唔少得, 我唔想成績表會顯示 (當然也可能有人反駁初小成績表唔重要)
所以看到 POPA 近來的文章, 再看到一些支持的聲音, 就開始懷疑經常欠交功課真是正確嗎?
小時候這樣欠交, 到大了真的仍能陪養到責任感? 當然我不是一竹篙打一船人, 很多名人也沒讀大學, 只是我對自己小朋友沒信心 
我無睇過你講果篇文章
但我同意你呢一點
1個讚
我小朋友仲細, 未有呢啲問題。不過最近係佢地食飯一事上面有啲體會。好多時家長都會叫小朋友食哂啲飯, 但係啲飯餸份量其實又唔係佢自己揀嘅, 要佢食哂好似對佢好唔公平。
做哂功課當然係佢嘅責任, 但係功課量係俾全班同學都一樣, 成班人能力係咪都一樣, 有冇可能個個都做得哂呢。交功課個"責任"係人地assign俾佢, 佢冇協商過, 努力左都仲俾人話不負責任的話, 好似有啲委屈。遇著硬頸嘅小朋友仲可能會唔認呢啲係佢嘅責任。
你自己都明自自己小朋友讀寫問題, 而你又揾到俾做功課更有效嘅學習方法, 可唔可以同老師反映下? 如果你開一本好似log book做默書練習記錄, 俾老師知佢都有返屋企練習又得唔得?
2個讚
好同意, 功課本身就係一個訓練, 訓練你的堅毅與忍耐。呢世上除左做皇帝之外, 無咩工作可以比你隨隨便便;想點就點, 就算做老闆都好多時要吞聲忍氣。
4個讚
多謝你的回覆
我小朋友因為讀寫問題，所以學校在功課，考試上都有調適，現在也在關愛班
不過他寫字真的很慢，而且很易錯，所以要不停擦，改正，用了不少時間
咁功課量唔正常唔通照接受咩
太多我真係會選擇遲交
是我太大意了，剛剛加返條 link 上去了，謝謝提醒
睇返啲功課量
如果7，8樣又多抄寫真係做少做漏我只會提醒佢下次要小心唔好漏
同埋果日就唔溫書，等佢休息
如果少既，而且又係能力範圍到既
咁我就會認真咁話佢知咁樣唔ok
2個讚
啱啱去popa度睇，其實用佢個case去諗「無做齊功課係咪一定等於唔啱？」呢個意義不大，佢本身原意應該係如果小朋友發展同主流唔符合時，父母原來可以喺鬧同埋迫佢追返其他人進度以外有其他做法，就係包容，鼓勵+同佢一齊面對
其實責任心喺唔同時候都可以培養到，我自己比較多係著重佢哋態度，完成功課只係其中一種可量化的做法，如果佢而家應付功課嘅時間影響佢學習成效同作息，我會選擇同老師溝通吓，會唔會佢哋有經驗喺幫學生面對讀寫問題時，功課量會有斟酌空間？
3個讚
講返popa, 明顯個女仔無motivation 做功課，亦唔在意欠交功課既後果，即使無街出都ok, 咁父母係應該認真搵點解、睇個女對學校功課有咩睇法，而唔係一味話佢皮膚問題、轉左網課、個人好chill 就算。呢d都係父母角度睇到以為既issue, 但成篇野都無提個囡點諗。
一般來講欠交功課當然唔ok, 功課係悶定有趣都係鍛鍊，寫字copy book 都係鍛鍊，鍛鍊通常都係悶，但如果可以係悶既野上搵到樂趣，甚至做得出色，咁我諗呢個小朋友大個都無咩難到佢了，因為佢調整到心態去對抗不得不做既鎖事。
至於學野，我唔信計岩一條數等於你識晒數學，但知識係日積月累。但如果第一步拎起枝筆既動力都無，咁其他野就免談啦。小朋友讀初小唔好一咪靠網上練習，考試係考寫字，所以寫字仍然好緊要。
不過樓主係有特別學習需要，咁可以同學校傾下。但唔好預好多走盞位，學校要交數。
4個讚
小朋友的確可以有say. 例如開飯前問佢覺得飯量會否太多，d餸要點搭配，但底線可能係菜要有4條，飯要有一啖。agree 左既小朋友要食晒，否則下次無say, 呀媽話晒事。
功課來講，小朋友一般無say, 但見過有小學咁做：如果全班同學表現出色，可得「免做一份功課券」、「免做一半功課券」、「免做一日功課券」，我記得大獎係「便服券」，可以全班搵日著便服返學，而幾時用劵就靠全班開會決定。所以表面上功課少左，實際上要靠全班表現earn返黎，學校只係將努力付出既位由做功課shift 去全班表現，仍然要付出，難度甚至更高。即是話，要put effort 既位無少過，只係可以斟酌邊方面付出。
2個讚
香港嘅學生功課量真係好唔正常地多
1個讚
你完全講中我心聲
看完POPA 的文章，令我再次記起上年上zoom時，我仔的同班同學，欠交大量功課，同一份功課欠交多日是常事，日日被老師罵。以我所知家長沒有找過老師，因老師常說會找她家長
當時我wfh, 每次聽到都會為那同學心痛，也會想，是同學仔不願做功課或是父母沒理會
在文中講到皮膚問題，我仔也有濕疹，見過很多中，西醫仍未治好，慶幸年紀越大越好轉，但當他情緒激動，太熱或睡覺前都會不由自主地抓
而親子關係與功課，更是很多家長面對的問題，我小朋友也不喜歡我要求他做功課，但我會做個平衡，做完功課可以去公園，每做完一份可以休息或玩5分鐘ipad…等
而且為了確保我仔每天都能完成功課，我星期一至四放工一定趕回家，星期五晚才有自己時間，星期六，日繼續做功課，和溫習平日可能因做功課而沒時溫的默書（學校已經有調適，我和小朋友都努力適應完成）
當然，我的日常不代表正確，只是看到文中一開始欠交77次，到最後進步地每星期日前都完成所有功課，我不知學校是否同意，老師是否見到學生進步了，就不再責罵了。即是每星期一都要刻意地收集學生的功課和改簿（文章不單沒提小朋友的想法，連學校的見解也沒有）
在我而言，我寧願被父母責罵，也不想被老師駡
最後的提外話，留言中，有人提到應該用「她」，但有人回覆用「他」沒錯。我立即看過有關文章，覺得用回「她」比較合適，因為「她」已沿用多年，而且我仔上次作文「媽媽」用了「他」也被老師圈了
由我仔未讀幼稚園時，我已經 看POPA, 只是近年來轉變了不少，今次的文章更令我有少許無言
1個讚
皇帝都唔係想點就點，想殺一個人罷免一個官員，都要睇佢家族背景，都要諗下佢過往嘅功過。
欠交功課我係唔可以接受。好多嘢唔鍾意做唔想做本來都唔係你做，最後都係要你做。Popa 文章個女角度似乎係 “我個女係咁㗎喇～”
經常欠交功課，學校老師都唔夠膽畀任何額外活動任務，怕左你。我以前學校都多功課，小學可以做到夜晚 9-10 點，中學多到有時候做到淩晨 2-3 點，但我一定唔會遲交功課，因為我知道老師都係打份工，我唔想畀老師麻煩，亦唔想畀老師覺得我一事無成，讀書唔得上堂訓覺連交功課都遲。遲過一次欠交過一次就有第二三次，去到最後根本唔怕了。
但你小朋友有學習需要，有可能係學校錯配/目前解決方法效率唔高。同學校老師社工商量一下，睇下有咩方法可以幫到小朋友。
2個讚
照咁講，小時講過大話，大過就唔可信？？
我有個仔就係呢種人
欠77樣功課的人
佢有好多理由：無帶本簿返屋企，唔見咗作業，做咗無帶，夾錯簿交錯老師……
到小六畢咗業仍欠2個作文未交
屋企人唔係無幫佢，補習老師都有幫佢
到升咗中學，9月至11月，欠咗多過10樣功課
雖然有做返哂，又試咗好多方法幫佢，依然隔日欠1欠
我諗係佢唔覺欠交有乜大不了，無乜罰則佢Care 獎勵亦無感覺，真難攪
但佢考試成績不錯，真係識
咁我只可以每晚提佢對清楚，執清楚就算了
1個讚
咁真係耐佢唔何，但佢要諗清楚，自己想建立一個咩形象，做一個污糟邋遢冇交帶嘅人，定係一個穩重謹慎值得信賴幫助嘅人。
好多時候學校有額外獎勵、活動畀 high flyers，但都傾向揀一個成績未必最好但一定係穩重認真嘅學生。如果想爭取呢啲機會，就要諗辦法樹立一個好形象，不求最模範學生，但要畀人一個良好印象。好多時候話 “學校冇活動老師都冇畀機會”，好大機會係自斷機遇。
但如果佢唔介意自己形象，咁唯有等社會同職場嘅歷練。
4個讚
我諗好明顯都係唔care 啦
人要變成熟變穩重係要時間嘅，唔係迫就得。但係時候到了，就叮一聲會成個人變哂。
你個仔有分析能力，醒目仔嚟嘅，知道咩應該做咩唔應該做，其實細路都睇得出個遊戲規則唔合理，點解家長個個都一齊配合，一齊去成就一個唔合適嘅遊戲世界
其實聽唔少名人故事，細個一樣咁反叛，一樣係老師眼中嘅跩學生，但係點解佢哋會成功？家長有冇自己諗過聽聽話話嘅學生其實適唔適合將來嘅世界？太聽話嘅仲有冇分析能力？分析能力重唔重要？
2個讚