如果有，分享下丫
1個讚
係… 台灣不嬲都唔係易…同埋成日會改…
聽聞呢兩年都好多投資移民唔批
3個讚
唔計隨時世界大戰，呢個地方對大部分香港人來講，玩就 ok, 住就 no way
2019 年我去過 150萬 HKD 移民講座，去埋台北睇樓，睇左好多樓，得一個結論，唔啱我，以前自由出入，買來渡假都可以諗諗。 有 BNO VISA 之後，根本唔會考慮台灣。
文化實在差太遠，港英時代完成大中小學生涯又應付到嘅，一定係去英國好過台灣。 教育都唔掂，太老土，英文唔得，同埋台灣藍綠人口係 4:6, 有個藍嘅鄰居機會都好大。人工太低，年紀大有舊錢，好似蕭生咁還可以慢慢使，香港搵錢去台灣使，真係唔使睇價錢，試過去台北睇中醫，三日藥，個中醫問我係唔係有戶籍有醫保，我話係旅行，咩都無，佢好驚我俾唔起，我叫佢照開單，收 HKD110，我香港睇開都收 $3xx, 醫生話有醫保係十幾元睇一次，後生仔去英國最低工資都有10磅一個鐘，台灣一半都無，生活唔易過。
19個讚
係… 我識有個廠佬… 佢本身有幾層樓收租, 19 年之前本身
已經打算退休就去移民去台灣, 覺得個邊消費低, 返香港又近
但 19 年個時仲係度觀望緊… 跟住又疫情先至著手攪, 諗住係
個邊做生意投資移民, 比齊晒嘢都唔批, 跟住佢老婆話一定同
公司名有關… 一睇就覺我係中資名… 所以到左都未走.
佢地好似唔批唔一定係即刻趕走
有d 就話怕一批完你就即刻摺左間公司
或者覺得你hea 做
所以要加監觀察多一年
咁你朋友宜家打算點?
1個讚
不嬲都有年期, 同埋好似批左只係比你過去營運, 但真正
入到籍都要時間…
個廠佬而家仲係香港, 咁佢有樓收租, 仔女都有大晒, 加上
之前佢賣左廠都有錢可以慢慢搣, 只係間鐘係街見到佢咪
傾兩句無特意搵佢…
噢…… 原來未出發過去
我以為你指朋友過左去做左一年生意
但唔批永居添
咁算啦
叫你朋友睇定d 先
我覺得政策係一輪輪
一時間咁多香港人唔批永居二次移民去英國
可能遲下又放寬番
個啲二次移民既… 某情度上應該真係未搵夠資料或了解清楚
就去做, 唔可以用香港理解開既諗法去做… 真係要了解左問好
多嘢. 特別係用專業移民方式過去… 就算人地真係請你, 好多
時去到第五年之前就會唔再同你續約咁都無得留低.
早幾年好易, 老公的朋友2017年投資移民，2018年已可入籍攞埋passport 。
大約1980-1993係台灣讀大學, 畢業後就可入籍。
2個讚
本來都諗台灣, 但係冇技術移民, 又唔夠膽做生意。俾錢投資當係手續費就預total loss, 咁比較上點都唔夠英國易。有小朋友讀書嘅, 要同香港差唔多水平都係要讀私校。
留台灣目的都係想近啲香港, 可以易啲見到屋企人, 同埋留係亞洲(係, 個confort zone係成日去旅行嘅東南亞+日本)。但係諗落, 台灣嘅政治危機唔比香港細, 唔知係咪真係打都有排驚, 仲有地震呢啲天災。我地唔係由細訓練到大嘅, 可能真係唔識處理, 不過呢啲都比較小事。加上而家好似好多香港人都唔批入籍, 就無謂諗啦, 點知會唔會住左幾年, 明明自己身家清白都話你以前公司咩咩咩背景唔批(而你基本上係唔會知個原因)。
雖然大家都係中文字,但文化真係好唔同
講就話投資移民,但去到咪又係個個笑你香港仔,黎到台灣就要跟佢果套
台灣最低工資叫多過香港嘅
咁而家咁多人移民就係為左避, 你去台灣咪遲早又要再面對過
6個讚
不過人工都係低，廿幾年前，我細佬去台灣讀大學，grad左第一份工在 LCD Mon 生產商做 QC engineer, 6千港幣一個月，當時在香港 fresh grad 去啲公司仔做 sales and marketing 都有 $10-12k. 當然，人工平，但生活費都係平一半, 但要供養在香港生活嘅父母就無可能。
早幾年我知有間移民 agent, 搵間早餐店俾啲 40尾 50 頭嘅半退休人士去玩 150萬投資移民計劃, 一個上岸就頂俾下手香港人，呢啲香港有樓在手，一有護照就唔使做，在台灣退休。 我其實都有諗過咁做，在北投區買間屋日日溫泉水沖涼，不過我有個仔，要當兵㗎，所以都係算數唔去啦。
依家好啦，俾香港人玩爛哂，人哋想要香港人啲錢和頭腦去令本地人多啲工作機會，不過啲生意就真係唔啱文化，有啲 short 到賣蛋 tart 賣成十幾元一個，台灣人大把好嘢食，食個便當平過盒 tarts, agent 話好多 case 都係生意失敗。
仲有批FF 開cafe 好似好chill 咁，又或者香港間屋放租咪有收入咁
1個讚
今日香港, 明日台灣…
台灣應該只能做stepping stone
我識兩個移民台灣
唔係投資 唔係技術 兩個都結婚既
一個結左婚 但覺得台灣唔安全 諗緊辦法想帶一家大細再移去第二度
一個由於無仔女,疫前拍拖兩邊飛,結婚無耐就封關,岩岩通番關,暫時仲係打算兩邊飛,睇定啲先。
1個讚
台大畢業算係最 top 嘅台灣人，佢哋想再上一層樓，我識嘅台灣人有幾條路，窮嘅去星加波讀 Master 加搵嘢做，有錢嘅去美國讀書加入籍，總之讀個 Master 洗左台灣教育陣土味。有幾土味? 睇吓電影「那些年」，真係好單純。 女仔多條路，嫁去日本。 台日通婚好common.
我第一份工就時時要去台灣出差，佢哋係 nice, 但英文多數都係差，見過有英文好好嘅，仲要溫文醒目，原來去過美國讀書再返來做高層。 未腐爛嘅香港教育係好過台灣，至少如果頂得順，教出來都係醒目轉數快串到PK，不過現在已經係奴才式教育，今時唔同往日啦
4個讚