兩個女人考慮緊去吾去？想問下最緊治安係咪好差
1個讚
巴黎治安不嬲都差，唔係最近既事
2個讚
樓上正解
其實成個歐洲都要好小心 錢財要貼身唔露眼
天黑唔好周圍流連 唔行捷徑小巷/人少地方 唔同人搭訕（其實邊度都係啦…）
當年後生幾個女仔一齊去巴黎就好似冇咩好危險嘅事遇過 最多係喺鐵塔附近俾人攔住要買佢嘅手信
反而喺巴賽我哋就試過1.俾人嘗試喺背囊偷嘢2.半夜有人嘗試開airbnb住宿嘅門
跟團會唔會安全D?
心情好矛盾， 財不可露眼就一定， 如果有個男士旁住就好d
英國好多香港人一家大細去巴黎，我都打算去了
歐洲治安一向差，我無聽過最近有特別唔安全咗。咁都係好多女仔一個人歐遊嘅，視乎你幾大膽
有機會可唔可以分享行程？
我見到平機票都想去。
題外話，治安唔擔心，我反而擔心溝通。
平時做遊客生意，d 法國人真係唔會同我講英文，定唔識啦？！
我未去，都係搵緊資料。
英國出發都係經陸路，唔係坐飛機。
Paris用英文仲ok，出咗去就難講
巴黎係值得去嘅城市，
但一定要小心行理及貴重物品，
這裡著名景點小偷爬手猖獗，
你可以係網上搵到佢哋犯罪影片。
如果係都帶個背囊袋幾件衫算啦！ 帶細拖喼都無謂
用一個薄身安全腰包，放大部分現金&所有證件，貼身帶（衫下面），反正冬天唔覺
大部分都用信用卡付款，手袋放輕便個人用品。
歐洲好多吉卜賽人搵食、大大小小都有
我自己住歐洲，有時去大城市旅遊區都會留神。
我哋一家同埋狗狗，鬼佬新年都係去巴黎
我都都plan 緊去巴黎過聖誕呀！
bnb 比其他大城市平，我地book咗外圍 zone 3 嘅3房bnb，7晚連清潔大約5k hkd
就算市區，都唔難搞到1k鬆d嘅兩房
我暫時只睇到交通，咁啱星期一到，星期一走，所以用到佢地個weekly pass
行程，就望咗梁芷靈個行程，會去行佢其中一日嘅行程
其實去巴黎嘅主要原因係老公唔可以停uk太多日，怕變稅民，所以唯有去歐洲玩，當家庭聚會，多過旅行
我覺得係歐洲旅行冇傳說中咁多扒手。(touch wood 未遇過)
我自由行，有幾次係一個人四處貢。係巴黎住過個幾月，感覺OK, 係遍地狗屎，要小心免踩中地雷。
旅遊區嘅法國人好多都識英文，但唔太想講，試過買雪糕，店員明我講咩，但用返法文應我
據我所知都係咁，所以我一直對呢個地方無咩興趣🫢
但我search Easter 機票，暫時Paris 最平
1個讚
我覺得又ok嘅，加埋表情同身體語言，溝通到就ok。
不過，有時巴黎人果種傲慢，會令人幾冇癮。
我聽講你用中文先，佢哋就會跳唔到tone然後會用英文嘗試溝通
暑假啱啱同小朋友去完，已經無拎財物喺手，但搭metro時都俾人伸手入褲袋拎電話，好彩即時發現㩒實部機，個扒手即時行走若無其事下站落車
唔知係咪因為有小朋友成為目標，佢可能以為我哋將注意力放晒小朋友身上，所以容易啲落手
2個讚
其實帶電話頸手會唔會無咁易落手
財不露眼就okay