幫小朋友睇緊小學，發現自己一有間鍾意嘅就會變得好執著，覺得咁樣唔太健康，點樣可以學習放開？
喺香港? 直私要考, 津校要抽要計分, 鍾意還鍾意, 你好快會發現你揀人時人揀你, 做好自己, 其他嘢交比個天
我覺得唔駛點學習放開喎, 有目標係好事, 只要commensurate with小朋友能力, 努力一下, 就算小一唔得, 插班都會成功
7個讚
試多幾間，輸多幾次就無咁上心得失（經驗…）
2個讚
自己幾執著/幾得失心重, 都影響唔到個結果。
唔係個個小朋友都谷得起/適合谷。盡左全力, 結果不似預期, 自己最後都要接受 
3個讚
正解，我都經歷緊…
1個讚
試吓當case study 咁間間計分
1個讚
學校都係講緣份
4個讚
我都會咁。
但時辰到間學校係你就係你，唔係你點執著都要放手搵第二間。
不過太執著會局限咗仲有其他好嘅小學，到時發現又會太遲。
2個讚
唔好諗太多，真係人揀你你揀人，到有offer再諗
見人未考就係到話Dg幾活動幾開心，spcc就好谷咁又中小，我心諗你考到先諗啦呢兩間……而且入左offer group又會另一感受架啦每間學校
又，真係每間學校都有優缺點。我兩個小朋友分別讀唔同幼稚園又唔同小學後，體會深刻。
仲有，唔好為左某間小學就幼稚園十全大補，我真心覺得不值得。有些靠谷入去嘅小二三會見真章，或厭書。
所以盡力（係阿媽盡力睇遠啲睇廣啲，唔係谷個仔盡力），之後就順期自然。
4個讚
對自己想要既野表現在乎係好正常既事，係一門課，要好好修煉。
不過呢，呢壇野個owner係小朋友，你只係幫佢既人，只能講唔好太上心，小朋友自有佢要行既路。
實際上就報多幾間試多幾次，總有岩小朋友既學校既，雖然你未必like.
2個讚
始終讀嘅係佢，唔係家長，真係要學平常心呀
我成日話面試係相睇，matching game
小朋友唔鍾意間學校的話，有d性格巨星真係可以唔出聲，唔表現自己正常嘅一面
而且，學校要咩人，大家都係估估下
記得當年報5-6間小學，賽前最有把握係SFA，其他嘅，抱住"你唔揀我仔，係你損失"嘅心態去，結果，上天對我好好，唔駛我煩讀邊間好，因為得一間收！
我信，呢間係最啱阿仔，就算佢之後轉咗去津校，我都依然覺得佢留响SFA會開心好多 (轉校係阿仔自己要求，佢想同細佬一齊返學，但細佬唔啱SFA)
1個讚
佛系，真心唔知邊一間小學適合小朋友，有緣就會讀到，最緊要小朋友健康快樂成長！
2個讚
千祈唔好將壓力發洩係小朋友度，佢哋既開心快樂好多時源自父母，你揀人人揀你，呢啲咁無奈嘅嘢，好多年後望返轉頭會後悔㗎⋯⋯
2個讚
你自己見工都係咁嗎？
其實都係一樣，唔係努力就可以如願以償，好多因素控制唔到
2個讚
媽媽盡100分努力，個小朋友可能交足120分，但亦有可能只比返80分你，都唔係你可控制。作為媽媽自己盡咗力，叫對得住自己個心就算，其他嘢順其自然啦。咁諗會舒服好多。
1個讚
佢咁講先justified到佢點解考唔到spcc 
1個讚
仲有，個個阿媽都覺得自己小朋友最叻最醒，特別只生一個或第一個b, 無比較嘛。
盡量避免係幼稚園媽媽或媽媽谷或朋友間講太多自己仔女幾叻又或教人地點教，講太多，媽媽們望住你，你會無落台階，最後迫自己同仔女要考到好學校先有面咁。到時你個得失心會更重。
題外話，有時候細個攞到獎反而先係惡夢
1個讚
一個小朋友又好,幾個小朋友又好,父母自己一有比較心態,對小朋友成長就已經唔係咁好,讀書為求小朋友識多啲知識,唔係比較邊個比較嗰個. 問題主要出在父母自己身上,你覺得小朋友有能力讀得到,開放日帶佢去學校睇,沒有開放日就在外面睇,小朋友鐘意就可以,就係咁簡單.
我的小朋友入了中學後,我都好驚訝Top10內中學(唔知其餘九間)學生能力係…
都係嗰句,讀得開心邊間都可以,唔開心夾硬去讀,父母同小朋友都係痛苦.
響香港生活好難無得失心
以前補習社出左個slogan 我幾同意
“你不愛競爭, 但競爭會找上你”
香港學生既生活就係咁
1個讚
我都係咁話，呢家d家長越來越走火入魔，一邊話唔忍心小朋友要學咁多野，埋怨起跑線推到好前，一邊推小朋友周圍學野暗自裝備，個個都捉賊喊賊。
其實點樣balance 小朋友學習同自主時間都係一門學問，學術唔係唔理，但又唔使咁over ，k3已經有小一，小二level咁lor，除非個小朋友自己好鍾意睇書，唔使點谷佢自己都有小一二level, 先比佢考呢類名校啦。
否則，勉強無幸福，入到讀唔掂就無謂啦。
4個讚