大圍有咩小學好,邊間幼稚園派位好D
唔想要官校,THXX
小學一係抽一係考， 如果大抽獎，你睇返住果區嘅學校list再排。 或者考直資私小同國際學校
如果參加大抽獎，讀邊間幼稚園都無所謂。派唔派到第一志願和讀邊間學校係無關係的。
派位好同你完全冇關係。。。。好壞都影響唔到你
其實睇派位成績，如果該校一間寶校都無，都可略估到間幼稚園脫寶能力頗高（即叩門能力，可能同區小學鐘意收該校幼稚園生）。
但你唔會知道佢地係叩門定係自行派位入，除非自己寫明，所以都係一個普通數字，冇特別參考價值。
同埋幼稚園冇話寶唔寶，除非係私立，學術基本上大家接近，幼稚園唔係學業為主，想叩門都係各自修行操學術操面試。
1個讚
你要成績好，定口碑好？定過往大熱?
傳統少少，學術d，應該陳元喜
聖心好似仲傳統
關愛校園就張煌偉
熱門但唔知點解中一派位唔多好嘅，迦密
近年口碑唔錯嘅，乙一唔夠分，王賜豪
放乙二之選，冼次雲/張煊昌
放好後都會入到，但band 1 率OK嘅， 循理會美林 (band 1 率應該唔會同迦密爭好遠，都係3x%)
其實揀邊間好，而你自己睇重成績，不如研究下中一派位數據，可能睇到d野
1個讚
寶校係指小學啦
派位表上一個小學寶校都無，咁都代表叩門（即脫寶）能力有咁上下。
至於學卷幼稚園，學術絕對唔係差唔多。我小朋友間學卷一啲都唔淺，中文比起其他學卷深好多。
派位同讀邊間幼稚園冇關。
可看看陳元喜及聖母無玷聖心
但冇寶校亦唔能夠代表佢脫寶能力高喎！亦可以係咁啱冇人派去，雖然呢個機會率唔高。
加上幼稚園叩門多數都係家長自己加料，而唔係靠間幼稚園。
1個讚