轉載
英國KPI 欠薪呃香港人事件
- 分享自 LIHKG 討論區
https://lih.kg/3213949
另一邊嘅說法：
//左媒、親中網媒近來大造文章, 話英國出現欠薪、呃香港人事件， 其實我就係當事人.
其實件事就係 : 間廠個「人面辨識」簽到系統完全唔掂, 認錯、認漏, 結果星期三收到糧單條數計少左鐘, 唔係計少少少, 係返左四十幾個鐘, 系統只係認到十幾個鐘.
星期三收到張驚嚇糧單, 星期四大家擔心「有汗出、冇糧出」, 要求要開工前有個說法, 我覺得亦是合理之極 (被左媒演繹成大罷工)
最後, 我地已同日從新 Generate 過正確既糧單, 星期五亦如時出糧既。
(有錯要坦白承認, 的確有一位最後要攪到星期一先出到糧, 因為個位工友係填手寫申請 form, 我地同事人手輸入佢D 資料時入錯左, 所以星期五出唔切糧要拖到星期一, 我亦都向個位工友解釋同道歉, 亦得到對方原諒)
成件事令幾位工友勞氣左一朝, 亦聽講攪到有女工友淚濺工廠 
, 真心要道歉。 但亦都借機會晌度 re-assure 大家, 幫我地做左工既, 絕對會出糧。 但如果有時真係有出錯既, 通知我地, 我地非常願意去改正。 明白當中會為大家帶來不便, 希望亦得到大家的原諒。
更重要的, 是因為呢件事, 俾D 左媒拎左黎大造文章, 話英國又點樣歧視香港人、呃香港人, 呢樣野,先係最令我地最難受的。
最後, 因為怕鬼左佢地套「人面辨識」簽到系統, 我地亦同廠協商左, 用返 2000 年前的科技 – 紙筆簽到系統, 以防又出現同樣情況.//
2個讚
我都見到個解釋，file closed
1個讚
亡國尋日已經大唱呢件事haha
如果真係簽到系統有問題而事後又補救左出返岩糧，又真係冇野嘅
好小事啫，諗起d mpf 仲傷心 
6個讚
希望佢哋嗰邊d nancy睇完放棄去英國啦
12個讚
唔講尤自可，講起把幾火
一向好多人攻擊Fiona。
無幫襯過佢，不過我覺得唔好神化佢做「幫香港人」，佢都係打份工。咁佢有時介紹唔係咁好嘅工，又唔好多話佢「呃香港人」，佢都係打份工。
好多人批評佢介紹嘅工人工差，咁其實就唔好搵佢，搵agent人工真係可能差啲。搵得佢嘅，應該都係英文唔好，或者唔識門路。啱就用，唔啱就唔用，明買明賣就算。
14個讚
同意你講。講真，英文咁好/可以揾專業工種就唔洗揾佢；揾得佢都係自己英文唔好/各種條件麻麻。
1個讚
同意，我都一樣唔係好明啲人點解咁鍾意鬧佢，佢頭頭都講到好白，話佢啲工係辛苦係人工低，你肯擺低身段嘅咪做住先拎個本地工作過嘅經驗騎牛搵馬，唔岩做咪即走，對佢又冇太大影響，佢有工放出黎，你又有咁嘅需要，一買一賣好正常姐，做乜啲人係咁鬧人
3個讚
佢果啲工廠工係咁上下啦
我又唔知一直有人攻擊佢呢、話佢好勁就知、做廠變做agent、又其實、佢可以早少少係page 度講返件事既…
紅媒仲跟得貼過我地
如果唔係多得紅媒大造文章
我地係香港冇留意開移民谷嘅人唔會知
亦唔會引到事主特登詳細講返件事出黎
其實紅媒係高級黑黎
1個讚
佢又無呃到香港人錢，幫咗好多人揾藍領工，我覺得佢無問題喎，可能主要係藍c攻擊佢
1個讚
睇返解釋篇文，就唔係Fiona嘅fb貼出嚟嘅，不過Fiona有fwd，大概佢哋都係有某啲關係。
連登長期攻擊佢，呢單唔係第一單，好多類似嘅事發生過，解釋亦解釋咗好多次，我都已經得啖笑。
連登一向罵佢扮黃，口話幫香港人，但收agent錢，呃香港人去山旯旮做又辛苦又人工低嘅工。
事實係，佢從無話過自己幫香港人，佢收錢做嘢姐，佢甚至諗過辭職添。紀錄片都見有，佢純粹搵份工。
個紀錄片亦唔係用嚟幫佢宣傳，因為決定拍嘅時候，佢都未有份agent工。
連登一向成班宅男毒男廢噏
2個讚
佢地有咩人唔鬧
1個讚
連登反移民架，最好大家攬住係香港一齊死