我成日比人問點解唔移民，我唔移就有我既考慮，
但班移民L 就會繼續話你唔移民就害左班小朋友、無晒自由、香港生活好大壓力、你係藍港豬。好煩。
有d 移民L 講到要追求自由，但見佢地仲食緊藍店、用緊大陸用語、煲大陸劇/戲、甚至佢地係2014,2019無出黎行過。
佢地最煩既係，離開左香港就唔好成日唱衰香港，好似想香港死，然後講到佢地係外國幾咁明智，留係香港幾咁愚蠢。
利申：我仲幫襯緊黃店、唔煲港陸劇
12個讚
感覺係你自己心中有鬼啫
4個讚
呢句我好唔認同喎！
我係外地就係要同班老外講香港已經唔同以前，no freedom at all，正苦點差點差，甚至叫佢地唔好考慮再去。
有咩問題呢?
9個讚
唔洗理人
可能有啲人要證明自己決定係正確
咪會站在道德高地去指指點點
亦有啲人其實覺得自己做錯決定想搵人陪葬
當然有少數人係真心勸你
不過如果真係真心而對方唔同意係會尊重對方決定
而且
留喺呢度唔等於坐而待斃
一定要有心理準備隨時要走
安排下自己啲資產、唔好亂消費等等
12個讚
香港依家唔需要唱衰嘅，香港人出去亦唔係為左說好香港故事。
除左呢句外，其他都認同，尤其覺得出去食黑心嘢都無所謂嘅民主free rider。
7個讚
雖然離開左，但內心其實唔想香港衰，我仲有朋友係香港走唔到，如果係當香港係家鄉唔會想佢衰，不過有好多野控制唔到
9個讚
有d藍藍地嘅老師過左來教書，最唔想仔女遇上佢地
4個讚
想講好多blue 人移民，之前鬧英國鬧美國，有著數米一樣走去
11個讚
你定義下咩叫唱衰香港先？
每人都唔同，人哋唔移自有人哋理由，唔駛外人咁操心同說服。
簡單講，剩係要掉低四大長老走人好多人都唔捨得做唔出
9個讚
其實不如正面同返佢地講， 妳吾會移民吾好再講， 走同吾走都有自己既理由。 走既就希望遠方既你平安， 留低既好好生活， 平常心面對
7個讚
果啲根本唔係你朋友、你移唔移民都會有野聽、自己知做緊咩就得
2個讚
叫人積極考慮冇問題，出於關心
有啲喺個group成日冷嘲熱諷，問人瞓醒未，爭在未睇你留港幾時死，又話好憎香港，完全冇顧慮走唔到人嘅感受
6個讚
個個都會鬧香港政府，但連留港嘅人都挖苦就好pk
3個讚
仲有你問野唔識就話你咁都唔識不如唔好移民
你話過一兩年走就話你不如唔好走
好似佢最醒佢最叻做乜都啱晒
1個讚
覺
超黑人憎
大家都知香港有幾衰，但每個人都有自己考量，唔係每人都想走/走到
2個讚
不過我都覺得有計劃一兩年走一係就真係有plan學車好賣樓好、唔係其實講都無咩意思、尤其小朋友真係越細越好
1個讚
重點係，呢班所謂成日問你嘅移民L分別係咩人？ 同你各自有咩關係？
唔同對象有唔同方法去處理。如果只係好少見嘅IG/FB fd/ 好少見嘅中同/ 大同/唔親嘅親戚….
話之佢啦！
咁你指呢啲到底係咩人？比多啲資料先幫到你。
2個讚
其實未必係有心唱衰既，第一本身佢地就係打從心底覺得hk死得所以先走人，自然會咁同你講。
第二係信息差距，我都有移左民朋友問我hk係咪經濟好差，講到之前唔開關外資走哂執哂笠個個失業咁，但其實冇咁誇張。正如係hk聽番黎佢地能源不足電費好貴，但其實最多慳d囉唔係過唔到日子。最多係誤會，未必係黑心。
不過我都認同成日問人做乜唔移民/幾時移既人係煩同唔識做人，有時未成事都唔想講住。
7個讚
我個人覺得，去留都是一個重大決定，心情當然會七上八下，又想人認同和理解下，但又談何容易呢！長此下去，一定會有人各走極端。
我自己都有時會被某些言論刺激到，會提醒自己現在面對的不是對錯，而是自己的選擇，但有時都會很茫然，衹可以話選擇左就向前看，盡量保持自己心境正向d
4個讚