該名港男日前在Dcard討論區以「屋企人係咁想趕走我」為題發文，提到自己剛在去年畢業，去年年中因為發生一些事情而停工半年，隨後重新工作，「人工唔高，叫做生活到。」他大呻家人待他很差，並不斷要求他移民，「離開佢地唔好畀佢地見到我」。他指，有時曾購買食物回家請家人一同分享，但「都有說話畀我聽」，並指亦曾試為家人購買小型傢俬，「買返嚟一句多謝都冇，仲係咁鬧我，但佢哋又會用嗰件嘢」。
他續指，其家姐間中會給零用錢予他及弟弟，「呢個時候我呀爸見到就會行出嚟搶走畀我嘅錢，之後畀埋細佬，話唔洗畀我」。他又提到，間中希望可在周末休息，但「瞓晏少少，都會俾人話，係咁話我做咩星期六日唔揾份工」。他指感到很疲倦，「每日都畀人話，又有面色睇」，又指「有時我想講一句嘢，見大家唔講嘢，以為佢哋聽緊。結果冇人係聽緊，每次都係我講講下佢哋就會另開話題。」他心灰地表示，「好似當我唔係人咁，我其實係啲咩？」他亦提到，母親某次在「燥底」時，向他說了一句「好樣衰，見到你個樣就討厭」，令他感到受傷，並指「諗翻起細細個都畀佢咁話過」。
不少網民對於樓主的遭遇感到同情，亦不理解父母為何會這樣對待他，並指「由細到大都係咁？無理由無啦啦咁對個仔，中間有無啲咩發生過？」、「其實係咪親生㗎，咁都有」、「辛苦了」、「呢啲父母真係當冇好過，雖然咁講好絕，但佢哋都冇當你係個仔」等。另有人則建議樓主搬走，並指「直接搬，家用都唔洗畀」、「有能力嘅話就早啲搬出嚟啦」等。
source: dcard